Tveir efnilegir leikmenn skrifa undir 3 ára samning við Blika.
06.02.2012Stefán Þór Pálsson og Hlynur Örn Hlöðversson ganga til liðs við Breiðablik. Stefán Þór á að baki sautján leiki með meistaraflokki ÍR í fyrstu deildinni og í Valitor- bikarkeppninni. Hlynur kemur frá knattspyrnufélagi Fjallabyggðar sem leikur í 2. deildinni. Þrátt fyrir ungan aldur, en hann er fæddur 1996, þá hefur þessi stóri og stæðilegi markmaður spilað leik með meistaraflokki.
Frá vinstri, Hlynur Örn Hlöðversson, Ingvi J. Ingvason varaformaður knattspyrnudeildar Breiðabliks og Stefán Þór Pálsson við undirritun samninganna
Breiðablik vann FH í Faxaflóamótinu
04.02.2012Breiðablik vann FH 2-0 í sínum fyrsta leik í Faxaflóamótinu þetta árið. Leikurinn var mjög jafn framan af og mættu FH stúlkur vel stemmdar í leikinn. Fyrri hálfleikur einkenndist af mikilli baráttu um boltann en tvö mörk voru dæmd af Blikastúlkum vegna rangstöðu í fyrri hálfleik sem var frekar jafn. Blikastúlkur tóku síðan öll völd í síðari hálfleik og sigruðu frekar örugglega 2-0 en bæði mörk liðsins skoraði Rakel Hönnudóttir.
Leikur Breiðabliks og Stjörnunnar flautaður af vegna rafmagnsleysis í Kórnum
04.02.2012Í stöðunni 2-2, og Stjörnumenn einum leikmanni færri, er búið er að flauta úrslitaleik Fótbolta.net mótsins milli Breiðabliks og Stjörnunnar af vegna rafmagnsleysis.
Breiðablik tekur á móti FH í meistaraflokki kvenna
03.02.2012Á morgun laugardaginn 4. febrúar taka blikastúlkur á móti FH í sínum fyrsta leik í Faxaflóamótinu. Leikurinn fer fram í Fífunni og hefst klukkan 12:15.
Nýr aðstoðarþjálfari meistaraflokks kvenna
03.02.2012Hans Sævar Sævarsson hefur verið ráðinn aðstoðarþjálfari meistarflokks kvenna hjá Breiðablik. Hans hefur stundað þjálfun frá árinu 2002 fyrst hjá Þrótti en hefur þjálfað ýmsa flokka hjá Breiðablik síðan 2008. Hans er í dag einn af þjálfurum 5 fl. kk. Hann spilaði knattspyrnu til fjölda ára sjálfur lengst af með Þrótti. Hans hefur lokið KSÍ þjálfaragráðu fimm.
Breiðablik - Stjarnan á laugardaginn
02.02.2012Breiðablik og Stjarnan í meistaraflokki karla leika til úrslita í Fótbolti.net mótinu á laugardaginn í Kórnum klukkan 12:30. Stjarnan varð efst í sínum riðli með 7 stig en okkar drengir tryggðu sér efsta sætið í okkar riðli með 5 stig.
Breiðablik - Stjarnan 2011. Blikar unnu 4-3 í fjörugum leik þar sem Guðmundur Pétursson skoraði sigurmark Blika á 92. mín. Mynd: Flosi Ásmundsson
Kiddi skoraði í sínum fyrsta leik
29.01.2012Okkar maður Kristinn Steindórsson var ekki lengi að taka upp fyrrir siði og skoraði laglegt mark fyrir Halmstad í æfingaleik gegn FC Nordsjælland.
Blikar í úrslit á Fótbolti.net mótinu
28.01.2012Breiðablik og FH gerðu 2-2 jafntefli í Fífunni. Tvö jafntefli og einn sigur skiluðu Blikum 5 stigum og sigri í A riðli. Blikar leika til úrslita við Stjörnuna laugardaginn 4. feb kl 12:30 í Kórnum.
Elfar Árni skoraði bæði mörk Blika
Breiðablik - FH í Fífunni á laugardaginn
26.01.2012Á laugardaginn spilar meistaraflokkurinn við FH i Fótbolti.net mótinu. Leikurinn fer fram á kl.11.00 í Fífunni. Blikaliðið verður að vinna leikinn til að eiga möguleika á að komast í úrslit á mótinu.
Firmamót Breiðabliks 2012
26.01.2012Laugardaginn 11. febrúar nk. verður síðan Firmamót Breiðabliks haldið. Mótið er liður í fjáröflun leikmanna meistaraflokks karla í knattspyrnu fyrir æfingaferð liðisins í vor.
Markalaust jafntefli í leik Blika og ÍA
21.01.2012Fótbolti.net mótið. Léleg færanýting og 0-0 jafntefli staðreynd.
Skagamenn mæta í Fífuna á laugardaginn
19.01.2012Minnum á leik Breiðabliks og ÍA í Fótbolta.net mótinu í Fífunni á laugardaginn kl.11.00. Bæði lið unnu sína leiki í fyrstu umferð; okkar drengir unnu Keflavík 1:2 í hörkuleik á meðan Skagamenn unnu öruggan sigur á FH 4:1
Guðmundur Kristjánsson fer ekki til Noregs
17.01.2012Vegna misvísandi skilaboða og greinilegrar óeiningar innan stjórnar Odd Grenland hefur landsliðsmaðurinn Guðmundur Kristjánsson afráðið að þiggja ekki boð frá Odd Grenland um að fara til reynslu til þeirra. Odd Grenland hafði leitað eftir því við Guðmund og Breiðablik um að hann kæmi til þeirra í nokkra daga til reynslu.
Gummi Kr hér til vinstri með félaga sínum og liðsfélga Kidda Jóns
Breiðablik vann í Keflavík
14.01.2012Fótbolta.net mótið: Breiðablik vann fyrsta leikinn. Frétt frá Fótbolta.net. Sjá alla fréttina.
Helgarferð í vinning í getraunaleik Breiðabliks!
13.01.2012Viltu vinna helgarferð fyrir tvo með gistingu til Evrópu? Í lok janúar fer í gang nýr getraunaleikur hjá Breiðablik með fjölda glæsilegra vinninga
Guðmundur Kristjánsson til Odd Grenland
10.01.2012Norska úrvalsdeildarliðið Odd Grenland hefur boðið landsliðsmanninum okkar, Guðmundi Kristjánssyni, út til Noregs. Knattspyrnudeildin hefur samþykkt þessa ferð og heldur leikmaðurinn út á mánudaginn. Þar mun hann dvelja í nokkra daga við æfingar í Skien heimabæ Odd Grenland. Bærinn er í Telemark um 2 tíma akstur frá Osló. Íbúar eru um 85 þúsund.
Guðmundur Kristjánsson
Ársrit knattspyrnudeildar Breiðabliks
04.01.2012Út er komið ársrit knattspyrnudeildar Breiðabliks árið 2011. Að venju er ritið vandað og efnið fjölbreytt. Meðal annars er fjallað um þá félaga okkar sem hafa lagt land undir fót og gerst atvinnumenn hjá erlendum félagsliðum. Að auki eru viðtöl við leikmenn og fréttir af öllum flokkum félagsins.
Blikar kvöddu Arnór í árlegu jólaboði
30.12.2011Leikmenn meistaraflokks ásamt þjálfurum, meistaraflokksráði og stjórn komu saman til árlegs jólamálsverðar í Smáranum s.l. miðvikudag.Við það tækifæri afhenti Einar Kristján Jónsson formaður knattspyrnudeildar Arnóri Aðalsteinssyni viðurkenningarskjöld frá deildinni í tilefni þess að Arnór hefur nú haldið á vit nýrra ævintýra í Noregi.
Arnór tekur hér við skildinum úr hendi Einars Kristjáns Jónssonar formanns knattspyrnudeildar Breiðabliks.
Flugeldaávísanir í Smáranum
29.12.2011Nú sem fyrr er í gangi samstarf með Breiðabliki og HSSK þar sem Breiðablik selur Flugeldaávísanir og þannig getur fólk stutt við gott starf Hjálparsveitar skáta og íþróttastarfið hjá Breiðablik.
Kristinn Steindórsson skrifar undir hjá Halmstad
29.12.2011Okkar maður Kristinn Steindórsson hefur gert þriggja ára samning við Halmstad í Svíþjóð. Kristinn varð í sumar markahæsti Blikinn í efstu deild frá upphafi og hefur orðið bæði Íslands- og bikarmeistari með félaginu. Við óskum Kristni góðs gengis á nýjum vettvangi.
Knattspyrnuskóli Tottenham Hotspur
20.12.2011Breiðablik og Tottenham Hotspur FC hafa gert með sér samkomulag um rekstur knattspyrnuskóla fyrir stráka og stelpur á aldrinum 11 - 16 ára (3. - 5. flokkur, fædd 1996-2001) annað árið í röð.
Gísli Páll og Sindri Snær skrifa undir 3 ára samning við Breiðablik.
18.12.2011Gísli Páll Helgason varnarmaður frá Þór Akureyri og Sindri Snær Magnússon miðjumaður frá ÍR skrifuðu undir 3 ára samning við Beiðablik.
Frá vinstri: Einar Kristján Jónsson formaður knattspyrnudeildar, Sindri Snær Magnússon, Gísli Páll Helgason og Ólafur H. Kristjánsson þjálfari meistarflokks karla.
Heimildamynd um sögu knattspyrnudeildar Breiðabliks komin út!
12.12.2011Knattspyrnudeild Breiðabliks hefur ráðist í það stórvirki að láta framleiða heimildarmynd um deildina. Marteinn Sigurgeirsson tók verkið að sér en hann hefur kvikmyndað af og til starfsemi deildarinnar undanfarna áratugi. Myndin er til sölu í Smáranum.
Jafntefli í hörkuleik við FH
10.12.2011Breiðablik og FH skildu jöfn 2:2 í hörkuleik í Fífunni í dag. Ólafur tefli fram ungu og efnilegu liði sem spilaði skínandi bolta gegn sterku liði Fimleikafélagsins. Blikar náðu forystunni í fyrri hálfleik þegar Elfar Árni náði að koma knettinum í mark Hafnarfjarðarliðsins eftir frábæran undirbúning Andra Rafns Yoamans. Elfar hefur nú skorað í báðum leikjunum frá því að hann skrifaði undir hjá okkur.
Elfar Árni skorar og skorar. Mynd: Blikar.is
Æfingaleikur við FH á laugardaginn
08.12.2011Strákarnir okkar halda uppteknum hætti og spila æfingaleik við FH á laugardaginn í Fífunni kl.11.00.
Tveir Þórsarar á leið í Breiðablik?
01.12.2011Knattspyrnudeild Þórs hefur samþykkt tilboð Breiðabliks í þá Atla Sigurjónsson og Gísla Pál Helgason. Báðir leikmennirnir voru í lykilhlutverki Akureyrarliðsins síðastliðið sumar.
Breiðablik - Fylkir á laugardaginn
01.12.2011Meistaraflokkur karla spilar æfingaleik við Fylki í Fífunni á laugardaginn kl.11.00. Við hvetjum Blika til að mæta og meta hvernig þeir grænklæddu koma undan vetrarstarfinu.
Frá leik Fylkis og Breiðabliks í Árbænum 2011. Mynd: Einar Ásgeirsson
Elfar Árni orðinn leikmaður Breiðabliks
26.11.2011Elfar Árni Aðalsteinsson er genginn í raðir Breiðabliks. Elfar Árni hefur æft með Blikum í haust en hann hefur einnig æft með KR-ingum undanfarna daga. Fleiri félög í Pepsi-deildinni og fyrstu deildinni sýndu Elfari Árna áhuga en hann ákvað að semja við Breiðablik til 3 ára.
Elfar Árni Aðalsteinsson og Einar Kristján Jónsson formaður kanattspyrnudeildar handasala hér 3 ára samning.. Mynd: Blikar.is
Viggó Kristjánsson gerir 3 ára samning við Breiðablik
23.11.2011Viggó Kristjánsson hefur gert þriggja ára samning við knattspyrnudeild Breiðabliks. Viggó sem er 18 ára gamall miðju- og sóknarmaður, kemur frá Gróttu. Hann hefur leikið 6 leiki um U-17 ára landsliði Íslands og 2 með U-19 ára liðinu.
Viggó Kristjánsson
Nýr framkvæmdarstjóri knattspyrnudeildar
18.11.2011Atli Sigurðarson hefur verið ráðinn framkvæmdastjóri knattspyrnudeildar Breiðabliks. Atli er viðskiptafræðingur frá Háskóla Íslands með mikla stjórnunarreynslu úr atvinnulífinu einkum á sviði sölu- og markaðsmála á fyrirtækjamarkaði. Atli hefur einnig tekið þátt í félagsstörfum og var meðal annars formaður foreldrafélags Kársnesskóla og gjaldkeri Samkóp um tíma. Atli er kvæntur Sigrúnu Andersen og eiga þau þrjú börn.
Atli Sigurðarson
Rakel Hönnudóttir gengin í Breiðablik
18.11.2011Í dag skrifaði Landsliðskonan Rakel Hönnudóttir undir tveggja ára samning við Breiðablik. Rakel byrjaði að spila í meistaraflokki 15 ára gömul eða árið 2004. Hún hefur alla tíð leikið með Þór/KA (fyrstu árin með Þór/KA/KS) . Rakel hefur leikið 135 leiki í meistaraflokki og skorað í þeim 124 mörk sem verður að teljast frábær árangur
Rakel Hönnudóttir
Þórður Steinar gerir 3 ára samning
16.11.2011Þórður Steinar Hreiðarsson hefur gert 3 ára samning við knattspyrnudeild Breiðabliks.
Þórður Steinar í leik gegn Þór á Akureyri. Blikar sigruðu 1-2. Mynd: Sævar Geir Sigurjónsson.- Sport.is
Ósvaldi boðið til Danmerkur
14.11.2011Ósvaldi Traustasyni úr 2. flokki hefur verið boðið til Danmerkur til að æfa með úrvalsdeildarliðinu Nord-Sjælland.
Ósvald Traustason (Ósi) með bikarinn eftir sigur á Danmörk í úrslitaleik Norðurlanda Móts U17 í ágúst 2011.
Guðmann mættur í Kópavoginn
14.11.2011Blikinn Guðmann Þórisson æfir nú á fullu með Blikum og líklegt að hann sé kominn í Kópavoginn til að spila í grænu treyjunni aftur!
Óli Kristjáns er spenntur fyrir Guðmanni. Mynd: Blikar.is
Kiddi Steindórs til Danmerkur
13.11.2011Næstu daga mun Kristinn skoða aðstæður hjá FC Nordsjælland, en liðið er sem stendur í öðru sæti í dönsku úrvalsdeildinn á eftir FC Kaupmannahöfn.
Kristinn Steindórsson undirbýr sig undir að taka vítaspyrnu gegn Fylki. Hann skorðai náði þar með sinni fyrstu þrennu í efstu deild. Mynd: Kristján Orri Jóhansson
Björk Gunnarsdóttir gengin til liðs við kvennalið Breiðabliks
07.11.2011Björk Gunnarsdóttir hefur gert 2 ára samning við Meistaraflokk kvenna hjá Breiðablik. Björk er 24 ára gömul framherji. Björk lék síðast með Val en þar spilaði hún 35 deildarleiki og skoraði 21 mark fyrir félagið.
Blikar unnu Leikni í æfingaleik
06.11.2011Blikar unnu Leikni 3-0 í æfingaleik í gær. Gummi Ben dæmndi leikinn og sýndi góða takta, enda flottur í svörtum fötum.
Guðmundur Benediktsson dæmdi leikinn. Mynd: Hafliði Breiðfjörð
Vignir Jóhannesson valinn bestur
02.11.2011Blikinn Vignir Jóhannesson markmaður stundar nú nám í Auburn háskólanum í Montgomery Alabama.
Æfingaleikur á laugardaginn
02.11.2011Til að starta nýja æfingatímabilinu þá verður æfingaleikur við Leikni í Fífunni á laugardaginn kl.11.00.
Tippleikurinn hefst á laugardaginn.
20.10.2011Ákveðið hefur verið að hleypa af stokkunum stuttum tippleik núna fyrir áramót. Leikurinn stendur yfir í 9 vikur. Hann hefst laugardaginn 22 október og honum líkur 17 desember. 6 bestu vikurnar gilda í forkeppninni.
Meistaraflokksráð kvenna hefur gert breytingar á skipulagi sínu.
19.10.2011Við auglýsum því eftir áhugasömum aðilum til að taka þátt í starfi nefnda á vegum ráðsins. Þetta er skemmtilegt starf með skemmtilegu fólki þannig að við hvetjum alla áhugasama um að senda póst á .(JavaScript must be enabled to view this email address)
U17 ára landslið karla komið í milliriðla á EM.
18.10.2011U17 ára landslið karla tryggði sér sigur í sínum riðli í undankeppni EM og er komið með sæti í milliriðli. 5 blikar eru í liðinu.
KSÍ
Uppskeruhátíð knattspyrnudeildar 2011
09.10.2011Kristinn Steindórsson vann tvöfalt á uppskeruhátíð knattspyrnudeildar fór fram í Smáranum um síðustu helgi. Kristján Ingi Gunnarsson og Vignir Rafn Valþórsson skemmtu blikum. DJ Fox sá um að þeyta skífum og dönsuðu kátir blikar fram á nótt.
Verðlaunahafar kvöldsins.
Sætur sigur í síðasta leik sumarsins!
03.10.2011Breiðablik tók á móti Stjörnunni í síðustu umferð Pepsideildar karla líkt og í fyrra, nú fór viðureignin fram á Kópavogsvelli. Stjarnan átti möuleika á að ná evrópusæti ef að eyjamenn myndu tapa á móti Grindavík í eyjum.
Kristinn Steindórsson - Mynd: Kristján Orri Jóhannsson
Frítt í grænu á Breiðablik-Stjarnan
29.09.2011Laugardaginn næstkomandi fer fram á Kópavogsvelli síðasti leikur meistaraflokks karla í Pepsi-deildinni í ár. Grænu drengirnir mæta þá bláklæddum Stjörnumönnum sem hafa verið sprækir í ár. Þeir grænu ætla að enda tímabilið með sæmd og óska eftir stuðningi þínum. Það verður frítt á völlinn fyrir alla sem mæta í einhverju grænu og þú ert beðinn um að láta ekki þitt eftir liggja og mæta á Kópavogsvöll kl. 14 á laugardaginn!
Uppskeruhátíð knattspyrnudeildar laugardaginn 1 október
27.09.2011Uppskeruhátíð knattspyrnudeildar verður í Smáranum næstkomandi laugardag og opnar húsið með fordrykk í boði tryggingafélagsins Varðar kl. 19. Stórblikarnir og gleðigjafarnir Kristján Ingi Gunnarsson og Vignir Rafn Valþórsson verða veislustjórar. Gómsætt og framandi steikarhlaðborð frá Saffran verður á boðstólum! Það verður svo enginn annar en DJ Fox sem mun þeyta skífum fram á rauða nótt eins og honum er einum lagið.
Mikilvægur sigur á Akureyri
26.09.2011Það fór ekki framhjá neinum skellur okkar Blika í síðasta leik og hvar við vorum allt í einu stödd eftir hann. Fótboltaheimurinn hér heima logaði, sögubækur voru opnaðaður og þeirri spurningu velt upp hvort að í fyrsta sinn í sögunni væri ríkjandi Íslandsmeistarar að falla niður um deild. Við Blikar höfum brotið niður marga múra síðustu 2-3 ár og upplifað margt í fyrsta skiptið - þetta var þó ekki nýjung sem neinum hugnaðist. Óhætt er að segja að pressan hafi því verið á okkar piltum. Allt frá því lokaflautið gall á Kópavogsvelli fyrir 6 dægrum hefur soðið á leikmönnum og öllum kringum liðið og þykist sá sem þetta ritar vita að menn hafi nýtt þessa daga vel til að mæta vel undirbúnir til leiks. Það lá fyrir að við Blikar þyrftum að fara norður yfir heiðar og mæta þar Þorpspiltum í Þór. Heimavöllur þeirra hefur verið mikið vígi og stigin hafa ekki beinlínis verið á tilboði fyrir kappliðin sem mætt hafa þangað til leiks.
Mynd: fotbolti.net. Sævar Geir Sigurjónsson.
Nýr þjálfari hjá meistarflokki kvenna
23.09.2011Hlynur Eiríksson hefur verið ráðinn til félagsins sem þjálfari í meistaraflokki kvenna. Hlynur hefur starfað við þjálfun í hátt í 25 ár og hefur lokið KSÍ A þjálfunarprófi. Hlynur Þjálfaði lið Þórs/KA síðastliðið sumar og verður við stjórnvölin þar
Við bognum en brestum ekki, hópferð til Akureyrar!
20.09.2011Þrátt fyrir að á móti blási hjá Blikaliðinu þá ætlum við stuðningsmenn ekki að láta deigan síga. Ákveðið hefur verið að efna til hópferðar á leikinn gegn Þór á Akureyri á sunnudaginn. Lagt verður af stað á einkabílum frá Smáranum á sunnudagsmorguninn kl.10.00. Blikaklúbburinn greiðir bensínpening þannig að menn þurfa ekki að bera beinan kostnað af ferðinni.
Næsti leikur er við Þór á sunnudaginn
20.09.2011Það er sennilega enginn Bliki í heiminum sem er ekki búinn að frétta af úrslitum gærdagsins. Sá leikur fer ekki í sögubækurnar sem okkar besta frammistaða og óþarfi að tíunda þann harmleik hér. Það eina sem liggur fyrir er að það eru tveir leikir framundan og það er útilokað annað en að okkar menn mæti beittari til leiks í þá. Við förum til Akureyrar og nú er ekkert annað í stöðunni en að standa saman. Í gegnum súrt og sætt! Áfram Breiðablik!
Breiðablik-Víkingur fer fram mánudaginn 19.september klukkan 17:00
18.09.2011Búið er að fresta leik Breiðabliks og Víkings sem átti að fara fram klukkan 17:00 í dag. Leikurinn mun fara fram klukkan 17:00 á morgun, eini leikur dagsins er leikur Vals og Þórs sem fer fram samkvæmt áætlun á Vodafonevellinum klukkan 17:00.
Jafnir vinningar suður með sjó
16.09.2011Okkar piltar renndu suður með sjó í gærkveld og öttu kappi við heimapilta í Keflavík á blautum Nettóvellinum. Fyrir leikinn voru sveitirnar jafnar að stigum - með 20 punkta hvor en Suðurnesjamenn eiga leik inn gegn Vesturbæingum. Það var augljóst að hvorugt liðið hafði áhuga á að gefa frá sér stig og voru leikmenn glerharðir í návígjum.
Mynd: Þórdís Inga Þórarinsdóttir
Næst er það Keflavík.
14.09.2011Heil umferð fer fram í Pepsideildinni fimmtudaginn 15 september. Okkar menn halda suður með sjó og taka á móti Willum og hans mönnum sem unnu Val á Hlíðarenda í síðasta leik. Ljóst má vera að 3 stig í bítlabænum yrðu afar kærkomin.
Úrslitaleikur í 3. flokki karla í kvöld kl.19.00!
12.09.2011Ágætu Blikar, við minnum ykkur á úrslitaleik Stjörnunnar og Breiðabliks í 3. flokki karla í kvöld á Stjörnuvelli kl.19.00. Þessi lið háðu marga rimmuna í sumar en Blikar höfðu alltaf betur. Nú síðast í úrslitaleik í bikarkeppni þessa aldursflokks þar sem okkar drengir unnu 1:0. Það má samt búast við hörkuviðureign í kvöld því Stjörnumenn hyggja á hefndir. Því hvetjum við alla Blika til að mæta til að styðja okkar stráka til sigurs.
Breiðablik
Tap á móti Fram!
11.09.2011Blikar héldu í Laugardalinn og mættu liði Fram sem situr í næst neðsta sæti deildarinnar. Veðrið var með besta móti, áhorfendur létur vel i sér heyra en það skilaði sér alls ekki inn á völlinn eða í varamannaskýlið. Fram var fyrir leikinn einungis búið að vinna tvo leiki í sumar en þetta var þriðju sigur þeirra.
Breiðablik - Fram 2011. Kári Ársælasson og Arnar Gunnlaugsson. Mynd: Snorri Sturluson - Sport.is
Blikar mæta Fram
10.09.2011Eftir langt hlé í Pepsí-deildinni hefst baráttan aftur með heilli umferð á sunnudag. Strákarnir okkar halda í Laugardalinn og mæta bláklæddum Frömurum. Búast má við hörkuleik enda hafa leikir þessara liða verið afskaplega jafnir og spennandi undanfarin ár.
Guðmundur Kristjánsson vinnur einn af mörgum sköllum í leiknum í fyrri viðureign liðanna í sumar. Mynd: Snorri Sturluson - Sport.is
Opinn fundur með Óla þjálfara, meistaraflokkur…...
02.09.2011Blikaklúbburinn stendur fyrir opnum fundi með Ólafi Kristjánssyni, þjálfara meistaraflokks karla, á fimmtudagskvöldið í næstu viku þ.e. fimmtudag 8.september kl.20.00. Ólafur mun þar fjalla um árangur liðsins í sumar og mönnum gefst tækifæri á því að spyrja þjálfarann spjörunum úr.
Ólafur H. Kristjánsson í stuði á hliðarlínunni. Mynd: ASM
Jafnt gegn Valsmönnum: Umfjöllun
28.08.2011Blikar mættu Valsmönnum í sannkölluðum haustveðursleik á Kópavogsvelli. Blikar þurftu á sigri að halda til að gera lokatilraun til að blanda sér í baráttuna um Evrópusæti og Valsmenn þurftu nauðsynlega á sigri að halda ívið toppliðin.
Sigmar Ingi stóð í markinu í 1-1 jafntefli gegn Valsmönnum
Valskonur í heimsókn
26.08.2011Blikastúlkur öttu kappi við Valskonur í Pepsídeildinni í gær. Leikurinn var bragðdaufur og hvorugt lið að sýna sínar bestu hliðar. Fyrstu 20 mínúturnar voru tíðindalitlar fyrir utan eina sendingu Valsstúlkna inn í teig Breiðabliks sem fór í þverslánna. Hvorugt liði náði að skapa sér almennileg færi en Valsarar voru þó með undirtökin.
Breiðablik-Valur sunnudag kl.18.00
26.08.2011Ágætu Blikar, við vekjum athygli ykkar á leik Breiðabliks og Vals í Pepsí-deild karla á sunnudaginn á Kópavogsvelli kl.18.00. Blikar unnu góðan sigur Fylki í síðustu umferð en þeir rauðklæddu lutu óvænt í gras fyrir bláklæddum Frömurum. Það má því búast við hörkuleik á sunnudaginn.
Áfram Breiðablik!
Oliver Sigurjónsson til AGF
24.08.2011Knattspyrnudeild Breiðabliks hefur komist að samkomulagi við danska úrvalsdeildarliðið AGF um félagsskipti Olivers Sigurjónssonar til danska liðsins.
Oliver Sigurjónsson – þessi í gula vestinu - er hér með félögum sínum í Breiðabliki sem tóku þátt í Norðurlandamótinu um daginn. Mynd: Geir Guðsteinsson
Sætur sigur í Árbænum!
22.08.2011Kári Ársælsson fyrirliði tryggði Blikum sinn fyrsta sigur í dágóðan tíma, mótherjarnir voru strákarnir hans Óla Þórðar.
Kári Ársælsson Mynd: Sport.is
Haldið í Árbæinn
21.08.2011Strákarnir okkar í meistaraflokknum halda í dag mánudag í Árbæinn til að etja kappi við appelsínugula heimadrengi í Fylki. Leikurinn hefst kl.18.00 á Fylkisvellinum og hvetjum við alla Blika, bæði nær og fjær, að mæta til að styðja okkar drengi til sigurs.
Frá fyrri viðureign liðanna í sumar. Kristinn Steindórsson undirbýr sig undir að taka vítaspyrnu sem hann skorðai úr og náði þar með sinni fyrstu þrennu í efstu deild. Mynd: Kristján Orri Jóhansson
Arnór Sveinn lánaður til Hönefoss
18.08.2011Ágætu Blikar, knattspyrnudeild Breiðabliks náði nú í morgun samkomulagi við norska félagið Hönefoss um lán á Arnóri Sveini Aðalsteinssyni til áramóta.
Arnór Sveinn Aðalsteinsson. Mynd: Kristján Orri Jóhannsson
5 Blikar Norðurlandameistarar
17.08.2011Norðurlandamót u17 landsliða fór fram dagana 2. - 7. ágúst á norðurlandi. 8 þjóðir tóku þátt, Norðurlandaþjóðirnar 6 ásamt Englandi og auka liði frá Íslandi. Alls voru 8 Blikar valdir í þessa tvo landsliðshópa (sem er tæplega fjórðungur leikmanna sem valdir voru).
Aftari röð frá vinstri: Adam Örn Arnarson, Oliver Sigurjónsson, Páll Olgeir Þorsteinsson, Ósvald Jarl Traustason og Ingiberg Ólafur Jónsson. Fremri röð frá vinstri: Gunnlaugur Birgisson, Atli Fannar Jónsson og Alexander Helgi Sigurðarson.Mynd: Geir Guðsteinsson.
Góður sigur hjá Blikastúlkum í kvöld
16.08.2011Blikastelpur tóku á móti Fylkisstúlkum á Kópavogsvellinum í kvöld. Með sigri áttu Blikarnir möguleika á að hafa sætaskipti við Fylki og koma sér aðeins upp töfluna og nær því svæði sem við viljum vera á. Leikurinn hófst vel fyrir okkur Blika og sóttu stelpurnar stíft fyrstu mínútur leiksins. Á 6 mínútu fengu Blikar hornspyrnu sem Þórdís tók og setti boltann inn að fjærhorni þar sem Rakel Ýr Einarsdóttir náði að skora eftir klafs á marklínunni. Fyrsta mark Rakelar fyrir Breiðablik og væntanlega ekki það síðasta. Eftir þetta náðu Fylkisstúlkur nokkrum tökum á miðju vallarins og stjórnuðu í raun leiknum það sem eftir lifði hálfleiks án þess að skapa sér nokkuð einasta færi sem orð er á gerandi. Varnarmenn Blika stóðu vaktina vel .
Tap gegn Eyjapiltum
16.08.2011Róðurinn heldur áfram að vera þungur hjá okkar piltum. Í gær komu Eyjamenn í heimsókn og við orðin langeyg eftir sigri eftir 1 stig í síðustu fjórum orustum. Eins og oft áður í sumar þá leit allt þokkalega út í byrjun og í raun allan fyrri hálfleikinn. Þeir grænklæddu léku oft prýðilega á milli sín og sást glitta í tilþrif sem við þekkjum frá þeim köppum sem voru inná grasinu. Oft skapaðist hætta við mark Eyjapeyja. En liðið lekur mörkum og það var því í takt við sumarið að gestirnir komust yfir snemma leiks.
Blikinn Guðmundur Kristjánsson. Mynd: Kristján Orri Jóhannsson
Uppákoma fyrir ÍBV leikinn á mánudaginn
12.08.2011Knattspyrnudeild Breiðabliks, Blikaklúbburinn og Vörður tryggingar standa saman að uppákomu fyrir ÍBV-leikinn hjá strákunum á mánudaginn.
5 Blikar Norðurlandameistarar
08.08.2011Norðurlandamót u17 landsliða fór fram dagana 2. - 7. ágúst á norðurlandi. 8 þjóðir tóku þátt, Norðurlandaþjóðirnar 6 ásamt Englandi og auka liði frá Íslandi.
Jafntefli í Grindavík: Umfjöllun
08.08.2011Blikar skelltu sér í heimsókn til Grindavíkur í rjómablíðu og nældu sér í einn punkt.
Kiddi í baráttunni gegn Grindavík á Kópavogsvelli. Mynd: Kristján Orri Jóhannsson
Suðurnesin sótt heim!
07.08.2011Blikaliðið heldur suður með sjó og tekur hús á gulklæddum Grindvíkingum í dag sunnudaginn 7. ágúst. Leikurinn hefst í kl.19.15 og hvetjum við alla Blika að fjölmenna á leikinn til að styðja okkar drengi. Liðin eru á svipuðu róli í deildinni; okkar drengir eru í 9. sæti með 15 stig og Grindvíkingar eru í 10. sæti með 12 stig.
Arnór Sveinn Aðalsteinsson í leik gegn Grindavík í sumar. Mynd: Kristján Orri Jóhannsson
Óheppni að fá ekki öll stigin í Eyjum
06.08.2011Já það má með sanni segja að meistaraflokkur kvenna hafi verið óheppninn á fá ekki 3 stig í leik sínum við ÍBV á þriðjudaginn. Leikurinn var frábærlega leikinn af okkar konum og gaman að sjá ungar knattspyrnukonur stíga sín fyrstu skref í úrvalsdeild.
Enn eitt tapið: Umfjöllun
03.08.2011Breiðablik tapaði sínum þriðja leik í röð og eru nú komnir í reglulega vonda stöðu.
Kristinn Jónson átti fínan leik gegn FH. Mynd: Geir Guðsteinsson
Ballið byrjar aftur!
02.08.2011Blikaliðið tekur á móti bikarmeisturum FH á Kópavogsvelli á miðvikudagskvöld kl.19.15. Strákarnir okkar eru staðráðnir í því að hefna fyrir tapið í fyrri umferðinni gegn Fimleikadrengjunum. Þeir hafa æft vel um helgina og var púlað bæði sunnudag og mánudag. Það var því ekki neitt þjóðhátíðarstúss á okkar drengjum!
Ólafur og Úlfar ræða málin - mynd Hafliði Breiðfjörð
Kveðja frá Knattspyrnudeild
28.07.2011Góður félagi, þjálfari og samstarfsmaður knattpyrnudeildar Breiðabliks til margra ára, Guðmundur Helgason lést s.l. fimmtudag. Guðmundur þjálfaði yngri flokka félagsins á níunda áratug síðustu aldar og gerði m.a. 3ja flokk karla að Íslands- og bikarmeisturum árið 1988. Guðmundur tók svo við þjálfun meistaraflokks karla ásamt Sigurði Þorsteinssyni og þjálfaði meistaraflokkinn keppnistímabilið 1989. Guðmundur Helgason var ekki þjálfari af þeirri tegundinni sem leiðbeinir með hávaða og látum og beitti ekki hárþurrkuaðferðinni margfrægu í sinni þjálfun. Hann nálgaðist hlutina þvert á móti með ró og yfirvegun og taldi hlutina komast betur til skila þannig.
Guðmundur Helgason
Breiðablik-KR
28.07.2011Það blés ekki byrlega á Kópavogsvelli síðastliðið þriðjudagskvöld þegar Blikastelpurnar mættu þeim röndóttu úr vesturbænum í mjög mikilvægum leik fyrir bæði lið. Með sigri gátu Blikarnir skilið sig aðeins frá neðstu liðunum en tap fyrir KR-ingaþýddi bullandi fallbaráttu framundan. Eins og áður sagði þá var ljóst að vindurinn ætlaði sér stórt hlutverk á vellinum, því það var engu líkara en að kominn væri miður september og við í brjálaðri hauslægð.
Hörmung!
24.07.2011Breiðablik fór í Frostaskjólið og spilaði á móti KR í 12 umferð. Leikurinn var vægast sagt hörmulegur og þá sérstaklega fyrri hálfleikurinn, lokatölur voru 4-0. Íslandsmeistararnir sitja nú 8 sæti í Pepsideildinni, það segir allt sem segja þarf!
Guðmundur Kristjánsson og Kristinn Jónsson - mynd Sport.is
Toppslagur í vesturbænum !
24.07.2011Blikaliðið heldur vestur í bæ í kvöld og leikur gegn toppliði KR. Fyrri leik þessara liða á þessu keppnistímabili lauk með 2:3 sigri þeirra röndóttu í hörkuleik. Blikar misstu þá Ingvar Kale markvörð af velli strax á 19. mínútu en stóðu samt vel í gestunum úr Vesturbænum. Mörk okkar pilta settu
Kristinn Steindórsson í fyrri viðureign liðanna í sumar. Tekst honum að skora í Frostaskjólinu í kvöld. Mynd: Hafliði Breiðfjörð
Þórður Steinar til liðs við Breiðablik
23.07.2011Þórður Steinar Hreiðarsson gekk í dag til liðs við Breiðablik. Hann lék með Val til ársins 2006 en þá gekk hann til liðs við Þrótt og lék með Þrótti þar til hann gekk til liðs við færeysku meistarana í HB.
Þórður Steinar Hreiðarsson. Mynd: Blikar.is
Sögulegur sigur í Evrópukeppninni
20.07.2011Blikar unnu frábæran 2:0 sigur á hinu sterka liði Rosenborgar í forkeppni meistaradeildar Evrópu á Kópavogsvelli í kvöld. Það voru þeir Dylan Jakob Macallister og Kristinn Steindórsson sem settu mörk okkar pilta. Leikur Blikaliðsins var frábær og áttu Norðmenn eiginlega aldrei möguleika gegn léttleikandi Blikaliðinu.
Mynd: POA
Breiðablik – Rosenborg í forkeppni Mestaradeildar Evrópu 2011
20.07.2011Við bjóðum mótherja okkar frá Þrándheimi sérstaklega velkomna í Kópavoginn, vinabæ Þrándheims. Mótherjar Breiðabliks Mótherjar okkar í dag er engir nýgræðingar í Evrópukeppnum.
Miðasala á Stórleik Breiðabliks og Rosenborg.
19.07.2011Eins og flestir vita þá leikur Breiðablik gegn hinu sterka norska liði Rosenborg í Evrópukeppni meistaraliða. Heimaleikur Breiðabliks fer fram miðvikudaginn 20. júlí n.k. á Kópavogsvelli og hefst kl.18.45. Í fyrra var uppselt á heimaleik Breiðabliks gegn Motherwell og mikil stemmning á leiknum. Búast má við að það sama verði upp á teningnum í ár. Munurinn er sá að nú verður selt í númeruð sæti.
Gjafir í Garðabænum
17.07.2011Blikar voru einstaklega gjafmildir í Garðabænum þegar þeir mættu heimamönnum í Stjörnunni í Pepsí-deildinni í fyrsta leik 11. Umferðar. Eftir að hafa náð vænlegri stöðu 1:2 og átt upplögð færi til að bæta við forystuna gáfu okkar piltar eftir á lokakaflanum og töpuðu 3:2. Það er sárgrætilegt að enn einn leikinn duga ekki tvö mörk til að ná sigri i deildinni.
Dylan skorði. Mynd: Sport.is
Yfirlýsing Knattspyrnudeildar Breiðabliks vegna félagaskipta Elfars Freys Helgasonar til AEK Aþenu
15.07.2011Knattspyrnudeild Breiðabliks fagnar félagaskiptum Elfars Freys Helgasonar til AEK Aþenu. Enn á ný fær ungur og efnilegur leikmaður, sem uppalinn er í Breiðabliki, tækifæri á að fara út í atvinnumennsku og láta drauma sína rætast.
Breiðablik – Stjarnan Pepsídeild kvenna
13.07.2011Í gær mættu Blikastelpurnar Stjörnunni í leik í pepsídeildinni á Kópavogsvelli. Fyrir leikinn var Stjarnan í öðru sæti deildarinnar en Blikarnir í því sjötta. Það var hins vegar ekki að sjá á leik liðanna, allavega ekki í fyrri hálfleik. Blikarnir byrjuðu af krafti og stjórnuðu leiknum í raun frá fyrstu mínútu. Þær voru fljótar og ferskar og kannski má segja að helsta vandamálið hafi verið að þær voru full ákafar enda fengu þær dæmdar á sig ófáar rangstöðurnar.
Tap í Noregi
13.07.2011Blikar fengu heldur betur á baukinn í fyrri viðureign sinni gegn Noregsmeisturunum. 5-0 tap og Ingvar Kale eini leikmaður Blika sem spilaði á pari vallarins.
Rosenborg reyndist sterkari í kvöld
Meistaradeildin, Rosenborg - Breiðablik í kvöld
13.07.2011Ágætu Blikar, þá er komið að stóra deginum hjá klúbbnum okkar. Fyrsti leikur okkar í forkeppni meistaradeildar Evrópu. Andstæðingar okkar eru ekki af verri kantinum; margfaldir Noregsmeistarar Rosenborg frá Þrándheimi. Leikurinn hefst kl. 20.45 að norskum tíma sem þýðir kl.18.45 á Íslandi.
Blikar á æfingu í Þrándheimi - mynd Blikar.is
Byrjunarlið Breiðabliks í kvöld
13.07.2011Ólafur þjálfari kemur nokkuð á óvart með liðsuppstillingu sinni. Hann setur Arnór í hafsentinn með Kára. Rafn Andri dettur niður í hægri bakvörðinn og Kristinn Jónsson endurheimtir stöðu sína í vinstra megin í vörninni. Síðan setur hann ungu rakettuna Tóma Óla Garðarsson í byrjunarliðið! Þetta kallar maður að vera hent út í djúpu laugina.
Frá æfingu liðsins á Lerkendal Stadion í gærkvöld. Mynd: Blikar.is
Miðasala á Stórleik Breiðabliks og Rosenborg.
13.07.2011Eins og flestir vita þá leikur Breiðablik gegn hinu sterka norska liði Rosenborg í Evrópukeppni meistaraliða. Heimaleikur Breiðabliks fer fram miðvikudaginn 20. júlí n.k. á Kópavogsvelli og hefst kl.18.45.
Blikar í Noregi
12.07.2011Meistaraflokkur karla hélt til Noregs í gær þar sem þeir munu leika á móti Rosenborg í Meistaradeild Evrópu á miðvikudagskvöldið. Ferðin gekk vel fyrir sig, liðið æfði saman í gær og aftur í dag. Það eru allir heilir og mikil stemmning í liðinu fyrir leikinn.
f.v. Ólafur Björnsson formaður meistaraflokks ráðs, Guðmundur Kristjánsson, Arnór Aðalsteinsson, Rafn Andri Haraldsson, Olgeir Sigurgeirsson, Jökull Elísabetarson,Tómas Óli Garðarson, Dylan McAlister, Ólafur Pétursson markvarðarþjálfari, Arnar Bill Gunnarsson yfirþjálfari yngri flokka Breiðabliks, Trausti Ósvaldsson meistaraflokksráði. Fremri röð; Kristinn Jónsson, Finnur Orri Margeirsson, Kári Ársælsson fyrirliði, Ingvar Þór Kale og Kristinn Steindórsson.
Gunnar nakinn í Kópavogi!
11.07.2011Mbl. sjónvarp með Gunnar fréttamann í broddi fylkingar var í Kópavoginum á laugardaginn. Vel var gert við hann í mat og drykk enda erum við Blikar yfirleitt höfðingjar heim að sækja.
Forsala á leik Breiðabliks og Rosenborg, Blikaklúbbsmeðlimir fá forgang!
11.07.2011Ágætu Blikaklúbbsmeðlimir, eins og flestir vita þá leikur Breiðablik gegn hinu sterka norska liði Rosenborg í Evrópukeppni meistaraliða. Heimaleikur Breiðabliks fer fram miðvikudaginn 20. júlí n.k. á Kópavogsvelli og hefst kl.18.45.
Markametið fallið
09.07.2011Sem Íslandsmeistarar hafa okkar menn verið töluvert í umræðunni í sumar og þá helst fyrir skrykkjótt gengi. Liðið er komið á þann stall að hikst á sigurgöngu telst til tíðanda og það er bara gott. Fyrir leikinn gegn piltunum úr Þorpinu á Akureyri í dag sátu okkar menn í 7. sætinu og nauðsynlegt að ná sigri til að klifra ofar. Okkar menn byrjuðu betur og voru, eins og oft áður, meira með boltann. Vandamálið í sumar hefur ekkert endilega verið skortur á mörkum heldur frekar að boltinn fer of oft í netið hjá okkur. Það var því hressandi þegar fyrirliði vor, Kári Ársæls, stangaði knöttinn í netið eftir hornspyrnu á 25. mínútu. Brúnin lyftist enn hærra á mönnum þegar hreystimennið Guðmundur Kristjánsson stýrði þeim hnöttótta í netið rétt fyrir hálfleik. 2-0 fyrir Blika og útlit fyrir notalega stund í hálfleiknum á meðan leikmenn fengju sér tesopa.
Sigurður Grétarsson í leik við Eyjamenn árið 1983.
Vandræðagangur í Víkinni.
07.07.2011Íslandsmeistararnir sóttu Víkinga heim miðvikudagskvöldið 6 júlí, aðstæður voru frábærar til að spila fótbolta. Fínn völlur, gott veður og þokkalegur fjöldi af áhorfendum sem létu heyra þokkalega í sér. Leikurinn endaði með jafntefli sem að bæði lið voru ekkert sérstaklega sátt við.
Blikar fagna fyrsta markinu hans Dylan - ljósm ASM
Upphitun fyrir leik Víkings og Breiðabliks.
05.07.2011Mætum í Víkina á Miðvikudagskvöldið, þar spila Blikar við Víkinga í 9 umferð Pepsideildar karla. Breiðablik er sem stendur 7 sæti en Víkingar eru í 11 sæti, búast má við hörku leik á milli þessara liða sem að bæði myndu þiggja stigin 3.
Verður Kale með? Mynd: Snorri Sturluson - Sport.is
Kári og Kiddi fagna fyrra marki Kidda. Mynd: Sport.is
Gillz í „Heita sætið“
27.06.2011Gillz í „Heita sætið“ á leik Blika og Keflvíkinga. Ungir vallargestir í Kópavogi mun bleyta rækilega upp í honum þegar Pepsideildin fer af stað aftur eftir langt hlé.
Egill Gillz Einarsson