1993
Blikar voru staðráðnir í að fara beinustu leið upp í efstu deild eftir fallið grátlega árinu áður. Ingi Björn Albertsson var ráðinn þjálfari fyrir tímabilið. Arnar Grétarsson, 21 árs gamall A-landsliðsmaður, ákvað að spila með liðinu í B-deildinni þrátt fyrir áhuga annara liða sem og landsliðsmaðurinn Valur Valsson. Sigurjón Kristjánsson ákvað að leika í B-deild í fyrsta sinn og Hajrudin Cardaklija stóð áfram á milli stanganna.
Reynir Björnsson, Eiríkur Þorvarðarson og Steindór Elísson fóru yfir til HK, Hilmar Sighvatsson fór í Aftureldingu og Sigurður Víðisson til Hugins.
1. umferð
Frískir Blikar lögðu KA
Breiðablik
Liðin sem féllu úr efstu deild árinu áður mættust í Kópavoginum. Blikar léku vel og hefðu átt að vinna stærri sigur miðað við færin sem fóru forgörðum. Arnar Grétarsson skoraði eina mark leiksins undir lok fyrri hálfleiks.
BIKAR: 1. umferð
Hvatberar lagðir í Vallargerði
Hvatberar
Breiðablik mætti 4. deildarliði Hvatbera í 1. umferð bikarkeppninnar og lagði 9-0. Leikurinn fór fram á okkar gamla heimavelli; mölinni í Vallargerði.
2. umferð
Burst í Grindavík
Grindavík
Blikar rúllu yfir heimamenn í Grindavík suður með sjó. Jón Þórir Jónsson, Sigurjón Kristjánsson og Willum Þór Þórsson skoruðu mörkin á fyrstu 50 mínútum leiksins.
3. umferð
Breiðablik
Sæviðarsundspiltar gerðu góða ferð í Kópavoginn og lögðu okkar menn verðskuldað 1-0.
BIKAR: 2. umferð
Breiðablik
Okkar menn lögðu Hilmar Sighvatsson og lærisveina hans í Aftureldingu 2-0 á Kópavogsvellinum.
4. umferð
Sigur í toppslagnum
Breiðablik
Blikar voru betri aðilinn í toppslagnum við Stjörnuna. Sigurjón Kristjánsson skoraði eina mark leiksins og Breiðablik komst á toppinn.
5. umferð
Jafnt á mölinni
BÍ
Breiðablik fór vestur á firði og mætti BÍ í fyrsta sinn í sögunni. Leikurinn fór fram á malarvelli Ísfirðinga. Hajrudin Cardaklija bjargaði stigi með því að verja víti á lokamínútum leiksins. Blessunarlega var engin þúfa á mölinni fyrir vestan en það var jú þúfa og sem kom upp niður um deild árinu áður.
BIKAR: 3. umferð
Grótta
Bikarævintýrið hélt áfram á Seltjarnarnesi þar sem okkar piltar skelltu heimamönnum í 3. deildarliði Gróttu með sex mörkum gegn einu.
6. umferð
Stólunum skellt
Breiðablik
Hann var kaflaskiptur kappleikurinn gegn Sauðkræklingum. Gestirnir misstu mann ef velli eftir aðeins 2 mínútur en komust öngvu að síður yfir snemma leiks og leiddu í hálfleik.
Okkar menn bitu í skjaldarrendur í síðari hálfleik og komu knettinum í netið í fimmgang. Willum Þór Þórsson (2), Kristófer Sigurgeirsson, Vilhjálmur Haraldsson og Sigurjón Kristjánsson skoruðu mörkin.
7. umferð
Hjólhestaspyrna Bonna
Jón Þórir Jónsson skoraði sigurmark Breiðabliks í Breiðholti eftir aðeins 5 mínútna leik. Framherjinn knái splæsti í hjólhestaspyrnu og það dugði til sigurs.
8. umferð
Breiðablik
Sigurjón Kristjánsson tryggði okkur 3 stig gegn Þrótti Neskaupsstað 11 mínútum fyrir leikslok.
BIKAR: 16 liða úrslit
Breiðablik hársbreidd frá því að leggja bikarmeistarana
Valur
Fjórða árið í röð slógu Valsmenn Breiðablik út úr bikarnum. Valur hafði farið alla leið og unnið bikarinn 3 ár í röð. Skemmst er að minnast vítaspyrnukeppninnar tveimur árum áður þar sem Blikar voru betri aðilinn í leiknum.
Það sama var uppi á tengingnum nú. Þeir grænklæddu voru frískir í leiknum og fengu fín færi. Það er ekki síður merkilegt þar sem Breiðablik lék án Arnars Grétarssonar sem var meiddur og Valur Valsson fór af velli snemma leiks - báðir A-landsliðsmenn. Besta færið var á síðustu mínútu venjulegs leiktíma þegar markvörður Vals varði gott skot Sigurjóns Kristjánssonar alveg út við stöng. Valsmenn skoruðu sigurmarkið með skalla eftir hornspyrnu í framlengingunni.
9. umferð
Sex mörk á Ólafsfirði!
Leiftur
Breiðablik fór á Ólafsfjörð og mætti Leiftursmönnum í toppslag í síðasta leik fyrri umferðar. Það munaði tveimur stigum á liðunum fyrir leikinn og ljóst að sigurvegarinn yrði á toppnum eftir fyrri umferðina.
Blikar fór á kostum í skyndisóknum í fyrri hálfleik og voru 4-0 yfir í hálfleiknum. Á endanum unnu Blikar 6-1 sigur og voru því í efsta sæti deildarinnar eftir 9 leiki með markatöluna 18-3.
Valur Valsson meiddist í leiknum og var frá í 2 mánuði.
10. umferð
Tap fyrir norðan
KA
Næsta ferð norður gekk ekki eins vel og lágu Blikar 2-1 gegn KA.
11. umferð
Breiðablik
Hákon Sverrisson kom okkur á toppinn á ný með því að jafna gegn Grindavík í Kópavoginum.
12. umferð
Góður sigur í Sæviðarsundi
Þróttur
Breiðablik náði að skora tvisvar á síðustu 15 mínútum leiksins í Sæviðarsundi. Staðan í hálfleik var 2-2. Kristófer Sigurgeirsson, Jón Þórir Jónsson (víti), Willum Þór Þórsson og Arnar Grétarsson skoruðu mörkin.
Þegar 6 leikir voru eftir sátum við í efsta sætinu, tveimur stigum á undan Garðbæingum og þremur á undan Ólafsfirðingum.
13. umferð
Ósanngjarnt tap í toppslagnum í Garðabæ
Stjarnan
Breiðablik og Stjarnan mættust í miklum toppslag í Garðabæ. Okkur menn sóttu mun meira en Leifur Geir Hafsteinsson skoraði eftir skyndisókn á 55. mínútu - sami maður og sendi okkur niður um deild árinu áður með marki úr vítinu fræga.
14. umferð
Breiðablik
Blikar komust aftur á toppinn með 4-1 sigri á BÍ. Starnan tapaði sínum leik.
15. umferð
Tindastóll
Blikar höfðu sigur á Sauðárkróki en þurftu að hafa fyrir því í lokin. Arnar Grétarsson og Sigurjón Kristjánsson komu okkur í 2-0 en Stólarnir minnkuðu muninn og sóttu af kappi undir lokin.
16. umferð
Breiðablik
Breiðablik fór langt með að tryggja sæti í efstu deild með því að leggja Íþróttafélag Reykjavíkur í Kópavoginum. Sigurjón Kristjánsson kom okkur í 1-0, ÍR jafnaði úr vítaspyrnu, en þeir Willum Þór Þórsson og Guðni Grétarsson gerðu út um leikinn á síðustu 20 mínútunum.
EItt stig í viðbót í tveimur leikjum myndi duga til að koma okkur upp.
17. umferð
Breiðablik meistari í 1. deild
Þróttur N
Það voru 73 mínútur liðnar af leiknum á Neskaupstað þegar Willum Þór Þórsson náði að brjóta ísinn og koma Blikum yfir. Sigurjón Kristjánsson gulltryggði sigurinn undir lok leiksins og þar með var stríðið unnið. Breiðablik var meistari í 1. deild árið 1993.
18. umferð
Bikarinn á loft þrátt fyrir tap
Breiðablik
Leiftur frá Ólafsfirði átti möguleika á að komast í efstu deild með sigri í Kópavoginum í síðasta leiknum en þurftu að treysta á að Stjarnan tapaði stigum.
Gestirnir unnu góðan sigur en Garðbæingar burstuðu Þrótt Neskaupstað á meðan og fóru upp með okkur Blikum.
Lokastaðan 1993
| L | U | J | T | MÖRK | STIG | ||
|---|---|---|---|---|---|---|---|
| Breiðablik | 18 | 12 | 2 | 4 | 36-14 | 38 | |
| Stjarnan | 18 | 11 | 4 | 3 | 39-19 | 37 | |
| Leiftur | 18 | 11 | 3 | 4 | 33-25 | 36 | |
| KA | 18 | 9 | 2 | 7 | 31-22 | 29 | |
| Grindavík | 18 | 7 | 6 | 5 | 29-21 | 27 | |
| Þróttur R. | 18 | 8 | 3 | 7 | 31-26 | 27 | |
| Þróttur N. | 18 | 5 | 2 | 11 | 24-45 | 17 | |
| ÍR | 18 | 4 | 4 | 10 | 20-34 | 16 | |
| BÍ | 18 | 4 | 3 | 11 | 20-37 | 15 | |
| Tindastóll | 18 | 3 | 3 | 2 | 20-40 | 12 |