FRÉTTIR

Pepsi MAX 2020: Breiðablik – Valur

19.07.2020

Pepsi MAX deild karla 2020. Breiðablik - Valur á Kópavogsvelli sunnudagskvöld kl.20:00!

Ljóst er að framundan er afar spennandi leikur þegar Hlíðarendapiltar koma á Kópavogsvöll á sunnudagskvöldið kl.20:00! Það er mikið undir og bæði liðin munu láta sverfa til stáls. Það er rík ástæða fyrir stuðningsmenn Blika að fjölmenna á Kópavogsvöll og hvetja okkar menn til sigurs.

Okkar menn hafa spilað mjög vel á heimavellinum í Kópavogi en svo kom smá hikst í gríðarlega erfiðum leik í Frostaskjólinu á mánudaginn. Framundan er annað þungt próf þar sem okkar menn þurfa að taka “vel” á móti liði Valsmanna frá fyrstu sekúndu.

Stigafjöldi liðanna er svipaður. Munar aðeins einu stigi. Blikar eru í 3. sæti með 11 stig eftir 6 leiki. Valsmenn eru í 5. sæti með 10 stig líka eftir 6 leiki.

Efsta deild

Fyrstu innbyrðis leikir liðanna í efstu deild voru árið 1971 – árið sem Breiðablik lék fyrst í efstu deild. Fyrri leikurinn 1971 var heimaleikur Blika og lauk með 2-0 sigri okkar manna. Það voru þeir Guðmundur Þórðarson og Magnús Steinþórsson sem skorðu fyrstu efstudeildar mörk Breiðabliks gegn Valsmönnum. Seinni leikurinn tapaðist 4:2. Haustið 1971 áttust liðin við í 3ja sinn. Nú í 8-liða úrslitum Bikarkeppninnar. Blikar unnu þann leik 2-1 og komust áfram í 4-liða úrslit. Og fóru svo alla leið í úrslitaleikinn gegn Víkingum eftir að hafa unnið Fram 1:0 á Melavellinum. Samtals 11 mörk skoruð í þremur innbyrðisleikjum liðanna árið 1971.

Tölfræðin fellur með Val. Í 66 efstu deildar leikjum hafa Valsmenn unnið 27 leiki, Blikar 24 leiki og 15 sinnum skilja liðin jöfn. Oft mikið skorað í innbyrðis leikjum liðanna. Í þessum 66 innbyrðis leikjum leikjum liðanna í efstu deild hefur Valur skorað 104 mörk gegn 94 mörkum heimamanna. Samtals 198 mörk í 66 leikjum sem gerir 3 mörk að meðaltali í leik. Innbyrðis leikir liðanna>

BlikarTV var mætt snemma á leik liðanna á Kópavogsvelli í fyrra enda 6 marka leikur í uppsiglingu.

Síðustu 5 á Kópavogsvelli

Í síðustu 5 heimaleikjum gegn Val í efstu deild eru Blikar undir í stigasöfnun með 33% árangur gegn 53% Valsmanna.

19.08 19:15

2019

Breiðablik

Valur

3:3

A-deild | 17. umferð - Stöð 2 sport
Kópavogsvöllur | #

MYNDBÖND (1)

INTERNET (14)

20.08 18:00

2018

Breiðablik

Valur

1:3

A-deild | 17. umferð - Stöð 2 Sport
Kópavogsvöllur | #

14.06 19:15

2017

Breiðablik

Valur

1:2

A-deild | 7. umferð
Kópavogsvöllur | #

MYNDIR

< >