Valdís Björg Sigurbjörnsdóttir með 3 ára samning
11.12.2016Breiðablik og Valdís Björg Sigurbjörnsdóttir hafa skrifað undir þriggja ára samning.
Valdís Björg sem er fædd 2000 er hægri fótar hafsent sem hefur leikið í yngri flokkum félagsins frá blautu barnsbeini. Hún hefur spilað með Augnabliki í fyrstu deildinni undanfarin tvo ár og vann sér inn byrjunarliðssæti þar í sumar. Valdís hefur alls leikið 20 leiki í meistaraflokki og skorað 2 mörk. Valdís er yfirveguð og les leikinn vel og býr yfir hættulegum fót í föstum leikatriðum.
Valdís er í U17 landsliði Íslands þar sem hún hefur leikið 8 landsleiki. Blikar óska Valdísi Björg til hamingju með samninginn og hlakka til að fylgjast með henni í framtíðinni.