Besti markvörður Íslands, Sonný Lára Þráinsdóttir, hefur skrifað undir nýjan samning við Breiðablik.  Sonný kom til félagsins árið 2014  og hefur átt stóran þátt í þeim titlum sem liðið hefur unnið síðan þá. Öll árin sem hún hefur spilað fyrir okkur Blika hefur hún fengið lang fæst mörk á sig í deildinni en á þessum þremur árum hefur hún einungis fengið á sig 22 mörk! Samtals!   Alls hefur Sonný leikið 125 leiki fyrir félagið í öllum keppnum.  Þá hefur Sonný verið í Íslenska landsliðshópnum nánast frá því að hún gekk til liðs við okkur.

 

Við óskum Stuðningsmönnum og Sonný hjartanlega til hamingju með samninginn og hlökkum til næstu ára með þennan klett í markinu.