Þórdís Katla skrifar undir samning
26.02.2021Þórdís Katla Sigurðardóttir hefur skrifað undir samning við knattspyrnudeild Breiðabliks sem gildir út árið 2023. Hún er kröftugur miðjumaður sem getur einnig leikið á köntunum. Hún er vinnusöm og býr yfir góðri sendingagetu. Þórdís Katla varð 17 ára í janúar síðastliðnum.
Þrátt fyrir ungan aldur hefur Þórdís þegar öðlast dýrmæta reynslu í meistaraflokki en hún hefur leikið 27 leiki með Augnabliki í deild og bikar og skorað í þeim 3 mörk. Þá á Þórdís þegar að baki 5 landsleiki með yngri landsliðum Íslands þar sem hún hefur skorað 1 mark.
Við hlökkum til að fylgjast með þessum efnilega leikmanni halda áfram að þróa sinn leik. Til hamingju með samninginn Þórdís.