Hildur Antons framlengir
24.12.2018Hildur Antonsdóttir hefur skrifað undir nýjan samning við Breiðablik og er nú samningsbundin félaginu til næstu þriggja ára.
Hildur er 23 ára gömul og gekk í raðir Blika frá Val árið 2016. Hún hefur síðan þá spilað 55 leiki með meistaraflokki og skorað 7 mörk. Hildur var lánuð til HK/Víkings fyrri part síðasta sumars en kom svo sterk inn í Blikaliðið seinni hluta tímabilsins og hjálpaði liðinu að vinna Íslands- og bikarmeistaratitilinn.
Hildur á einnig að baki 40 leiki með yngri landsliðum Íslands og skoraði í þeim 7 mörk. Blikar eru hæstánægðir með að halda Hildi hjá félaginu enda hefur hún gegnt mikilvægu hlutverki hjá liðinu.