Guðrún gerir nýjan 3 ára samning
05.01.2017Varnarmaðurinn snjalli Guðrún Arnardóttir hefur gert nýjan þriggja ára samning við knattspyrnudeild Breiðabliks. Guðrún sem er 21 ára gömul hefur spilað 122 leiki fyrir meistaraflokk Breiðabliks og skorað í þeim 10 mörk.
Hún hóf meistaraflokksferil sinn á Selfossi en kom til okkar Blika árið 2012. Hún hefur átt fast sæti í Blikaliðinu síðan enda er hún gríðarlega öflugur varnarmaður. Guðrún á að baki 31 landsleik með yngri landsliðum Íslands og 4 með A-landsliði Íslands.
Hún stundar nú háskólanám í Bandaríkjunum en kemur fersk til leiks í vor með Blikaliðinu.
Blikar fagna þessum samningi enda er þessi öflugi varnarmaður mikilvægur hlekkur í uppbyggingu Blikaliðsins á komandi árum.