Elín Helena skrifar undir samnig
22.02.2019Elín Helena Karlsdóttir hefur skrifað undir samning við knattspyrnudeild Breiðabliks.
Elín Helena sem er fædd árið 2002 er fjölhæfur leikmaður og lék oft framarlega á vellinum í yngri flokkum Breiðabliks. Í meistaraflokki og með yngri landsliðum Íslands hefur hún svo leikið sem bakvörður eða miðvörður.
Elín er nú þegar komin með góða reynslu í meistaraflokki þrátt fyrir ungan aldur. Hún á að baki 20 leiki með meistaraflokki Augnabliks og var í lykilhlutverki í sumar þegar liðið sigraði 2.deild kvenna. Í vetur hefur hún svo æft og spilað með meistaraflokki Breiðabliks og hefur nú þegar leikið fjóra leiki. Elín Helena á að baki tvo leiki með U17 ára landsliði Íslands og fóru þeir báðir fram í vikunni sem er að líða. Miðað við frammistöðu Elínar í þessum fyrstu landsleikjum má gera ráð fyrir því að þeir verði fleiri í framtíðinni.
Við óskum Elínu og Blikum til hamingju með samninginn og hlökkum til að fylgjast með þessum hæfileikaríka leikmanni í framtíðinni