Ásta Eir framlengir við Blika
06.01.2017Knattspyrnukonan snjalla Ásta Eir Árnadóttir hefur framlengt samning sinn við knattspyrnudeild Breiðabliks um þrjú ár.
Ásta Eir kom fyrst inn í meistaraflokkinn árið 2009 þá 16 ára gömul. Síðan þá hefur hún spilað 95 leiki fyrir Blika og skorað í þeim 8 mörk.
Ásta Eir á að baki 25 landsleiki með yngri landsliðum Íslands. Hún stundar nú háskólanám í Bandaríkjunum en kemur fersk til leiks í vor með Blikaliðinu.
Blikar fagna þessum samningi enda er þessi öfluga knattspyrnukona mikilvægur hlekkur í uppbyggingu Blikaliðsins á komandi árum.