Blikar semja við belgíska landsliðskonu
30.09.2021Blikar semja við belgíska landsliðskonu Belgíska landsliðskonan Alexandra Soree, eða Zandy Soree, hefur skrifað undir samning við Breiðablik og tekur slaginn með liðinu í riðlakeppni Meistaradeildar Evrópu.
Zandy er 23 ára gömul, fædd í Bandaríkjunum en á belgískan föður. Hún spilaði fyrir yngri landslið Belgíu og á að baki fjóra leiki með A-landsliði þjóðarinnar. Hún hefur undanfarið verið á mála hjá liðum í bandarísku atvinnumannadeildinni, bæði Houston Dash og Orlando Pride.
Zandy er öflugur leikmaður sem getur bæði leikið á miðju sem og framar á vellinum. Hún gefur Blikum aukna breidd og reynslu fyrir átökin í riðlakeppni Meistaradeildarinnar. Hún er komin til landsins og verður klár í slaginn þegar stórlið PSG mætir í Kópavoginn á miðvikudaginn.
Velkomin Zandy????