Birta skrifar undir nýjan samning við Breiðablik
22.08.2022
Grafík: Halldór Halldórsson
Birta Georgsdóttir hefur skrifað undir nýjan samning við Breiðablik og er nú samningsbundin út tímabilið 2024.
Birta, sem verður tvítug í ár, er á sínu öðru ári með Blikum. Hún hefur á þeim tíma spilað 57 leiki, skorað 11 mörk og sannað sig sem mikilvægur hlekkur í liðinu. Hún hefur sýnt miklar framfarir í sínum leik og var meðal annars valin besti leikmaðurinn í Bestu deild kvenna í júnímánuði að mati Morgunblaðsins.
Það eru gleðitíðindi að Birta hafi skrifað undir nýjan samning við Breiðablik og við hlökkum til að fylgjast með henni dafna enn frekar í Kópavoginum.
Ásmundur Arnarsson þjálfari og Birta Georgsdóttir handsala hér nýjan samning.