Besta deildin 2022: Breiðablik – Þór/KA
27.04.2022
Fyrsti leikur okkar kvenna í Bestu 2022 er gegn Þór/KA á Kópavogsvelli.
Flautað verður til leiks kl.17:30!
Miðasala á Stubbur app: Stubbur
Leikurinn verður sýndir á Stöð 2 Sport fyrir þá sem ekki eiga heimangengt. Útsending hefst klukkan 17:15.
Sagan
Innbyrðisleikir Breiðabliks og Þórs/KA á þessari öld (frá og með árinu 2000) eru 34. Blikar hafa sigrað 18 sinnum, Þór/KA 11 sinnum og 5 sinnum hafa liðin skilið jöfn, síðast á SaltPay vellinum 28. Júlí í fyrra. Á Kópavogsvelli hefur Breiðablik unnið 11 sinnum, Þór/KA 4 sinnum og 2 hefur verið jafntefli. Á síðustu 6 árum hafa Blikar 3 sigra á móti 2 jafnteflum og 1 tapi á Kópavogsvelli.
Síðustu 3 leikir á Kópavogsvelli:
Breiðablik
Breiðablik
Breiðablik
Gamli leikurinn
Breiðablik
Þór/KA
Árið 2000 sigruðu Blikar í báðum leikjunum 10-0. Á þeim árum voru svona risasigrar algengir. Af þessum 20 mörkum skoraði Rakel Björk Ögmundsdóttir 7, Eyrún Oddsdóttir og Hrefna Huld Jóhannesdóttir 3 hvor, Eva Sóley Guðbjörnsdóttir 2 og þær Erna Björk Sigurðardóttir, Margrét Rannveig Ólafsdóttir, Sigrún Aðalheiður Gunnarsdóttir, Laufey Ólafsdóttir eitt hver og eitt mark var skráð sem sjálfsmark Þórs/KA.
Blikahópurinn 2022
Blikar koma til leiks með töluvert breytt lið frá því í fyrra þótt sumar hafi fengið eldskírn sína í Meistaradeildinni í haus. Sterkir póstar eru farnir úr liðinu og hafa nokkrar bæst við í staðinn og heldur fleiri útlendingar en Breiðablik er þekkt fyrir.
Byggt á síðustu leikjum má búast við liðinu svona:
Telma í markinu. Ásta, Natasha, Hafrún Rakel, Laufey, Írena, Taylor, Karitas, Hildur, Alexandra og Helena Ósk.
Komnar:
Alexandra Soree frá Bandaríkjunum, Anna Petryk frá Úkraínu, Clara Sigurðardóttir frá ÍBV, Helena Ósk Hálfdánardóttir frá Fylki, Karen María Sigurgeirsdóttir frá Þór/KA, Laufey Harpa Halldórsdóttir frá Tindastóli, Melina Ayers frá Ástralíu, Natasha Anasi frá Keflavík, Írena Héðinsdóttir Gonzalez frá Augnabliki (var á láni), Kristjana Sigurz Kristjánsdóttir frá ÍBV (Var á láni)
Farnar:
Agla María Albertsdóttir til Svíþjóðar, Chloé Vande Velde til Belgíu, Ísafold Þórhallsdóttir í Aftureldingu, Kristín Dís Árnadóttir til Danmerkur, Selma Sól Magnússdóttir til Noregs, Tiffany McCarty í Þór/KA, Vigdís Edda Friðriksdóttir í Þór/KA, Þórhildur Þórhallsdóttir í Aftureldingu, Ásta Vigdís Guðlaugsdóttir í FH, Birna Kristín Björnsdóttir í Aftureldingu (Á láni), Elín Helena Karlsdóttir í Keflavík (á láni), Hildur Lilja Ágústsdóttir í KR (á láni)
Dagskrá
Flautað verður til leiks kl.17:30!
Græna stofan opin, börger á grilli og rjúkandi kaffi.
Sparkvellir verða á sínum stað fyrir krakkana.
Miðasala á Stubbur app: Stubbur
Leikurinn verður sýndir á Stöð 2 Sport fyrir þá sem ekki eiga heimangengt. Útsending hefst klukkan 17:15.
Áfram Blikar, alltaf, alls staðar!
H20
Gefðu kost á þér í liðið
Blikar.is er óháður stuðningsmannavefur meistaraflokka Breiðabliks og nú vantar okkur fleira fólk til að sjá um að skrifa efni og setja inn efni og miðla því á samfélagsmiðlum Blikar.is.
Stuðningsmannavefurinn er mjög öflugur í allri fréttamiðlun á blikar.is vefnum og tengdum samfélagsmiðlum.
Ef þú hefur áhuga á og tíma til að gefa kost á þér í þetta lið, þá sendu okkur endilega línu á blikar@blikar.is
Miðlarnir okkar eru:
Heimaleikjaplan 2022:
