Úrslit í Breiðablik OPEN 2017
31.08.2017Breiðablik OPEN fór fram í 12. sinn á Selsvelli við Flúðir s.l. föstudag.
Veðurguðirnir voru sem fyrr afar hliðhollir en þó var fyrirkomulag mótsins af þeirra hálfu nokkuð breytt frá í fyrra og voru nú fyrstu 12 holurnar leiknar í 14 stiga hita logni og skýjuðu en síðustu 6 í léttum, hægvaxandi og frískandi sumarúða. Eftir sem áður fyrsta flokks golfveður.
Mótið fór vel fram og voru kylfingar óvenju snöggir að ljúka leik að þessu sinna. Á því hafa enn ekki fengist haldgóðar skýringar.
Þegar leik var lokið og gengið hafði verið frá skorkortum,hófst svo veislan. Halldór í Efra Seli skar sérlega ljúffengt lambakjöt ofan í mannskapinn með tilheyrandi meðlæti og var það mál manna að 2017 árgangurinn smakkaðist frábærlega. Sennilega góð hugmynd að kaupa 1 –eða 2 skrokka núna. Á meðan setið var að snæðingi fór fram hefðbundin verðlaunaafhending og að lokum var dregið úr skorkortum viðstaddra um fjölmarga glæsilega vinninga.
Úrslit voru sem hér segir:
Punktakeppni karla:
1.sæti Gunnar H. Ragnarsson
2.sæti Brynjar Björnsson
3.sæti Kristján Þór Gunnarsson
Punktakeppni kvenna:
1.sæti Ingibjörg Hinriksdóttir
2.sæti Anna Sigriður Ásgeirsdóttir
3.sæti Hlíf Erlingsdóttir
Höggleikur karla:
1.sæti Ríkharð Óskar Guðnason
2.sæti Sigtryggur Birkir Jónatansson
3.sæti Magnús Páll Gunnarsson
Höggleikur kvenna:
1.sæti Sigrún Einarsdóttir
2.sæti Edda Valsdóttir
3.sæti Bryndís Hinriksdóttir
Lengstu teighögg á 18. Braut:
Bergur Dan Gunnarsson
Sigrún Einarsdóttir
Nándarverðlaun :
1. Bergur Dan Gunnarsson 5,36m
5. Örn Jónsson 6,35m
9. Sigurður Hlöðversson 2,94m
11. Guðmundur Hallbergsson 2,68m
14. Guðmundur Hallbergsson 3,80m
Knattspyrnudeild Breiðabliks og mótsstjórn þakka þátttakendum fyrir skemmtilegan dag og staðarhöldurum að Efra Seli fyrir góðar móttökur sem endranær.
Eftirtaldir aðilar veittu ómetanlegan stuðning við framkvæmd mótsins og eru þeim einnig færðar bestu þakkir.
ÁG
Málning
Icelandair
ORKAN
Skeljungur
BYKO
Aðalstjórn Breiðabliks
JAKO
PLT- leikandi lausnir
Samhentir
GKG
Vörður
Tengi
Ölgerðin
Nói Siríus
Bananar
Áfram Breiðablik !
OWK.