Strákarnir okkar í meistaraflokki fá sjálfa Íslandsmeistarana í heimsókn á sunnudaginn (31.maí) kl. 20.00 á Kópavogsvelli.

 

Eftir tvo góða sigra í röð er Breiðablik komið í hóp efstu liða eftir fyrstu fimm umferðir Íslandsmótsins. Strákarnir eru staðráðnir í að halda sigurgöngunni áfram og munu gera allt til þess að leggja Íslandsmeistarana af velli.

 

Í þeim 12 efstu deildar leikjum, sem við höfum spilað við Stjörnuna frá því að Stjörnuliðið kom upp í efstu deild að nýju árið 2009, hafa Blikar sigrað 6 sinnum, Stjarnan tvisvar og jafnteflin eru 4. Blikar hafa skorað 25 mörk og Stjarnan 17 eða samtals 42 mörk! Reyndar hefur Breiðablik ekki tapað leik gegn Stjörnunni á Kópavogsvelli í efstu deild í 21 ár. En munum að þessi tölfræði segir ekki neitt þegar út á völlinn er komið í kvöld. 

 

Hvetjum alla Blika til þess að taka kvöldið frá, mæta á völlinn og styðja strákana til sigurs!

 

Áfram Breiðablik!

 

Allir leikir Breiðabliks og Stjörnunnar frá upphafi.