Það var tilfinningaþrungin stund hjá mörgum gömlum Blikum fyrir leikinn gegn Val á laugardaginn. Þá bauð knattspyrnudeildin þeim drengjum og  þjálfurum  þeirra sem urðu…" /> Það var tilfinningaþrungin stund hjá mörgum gömlum Blikum fyrir leikinn gegn Val á laugardaginn. Þá bauð knattspyrnudeildin þeim drengjum og  þjálfurum  þeirra sem urðu…">

BLIKAR.IS STUÐNINGSMANNAVEFUR

“Sé ég tár á hvarmi”!

07.10.2014

Það var tilfinningaþrungin stund hjá mörgum gömlum Blikum fyrir leikinn gegn Val á laugardaginn. Þá bauð knattspyrnudeildin þeim drengjum og  þjálfurum  þeirra sem urðu Íslandsmeistarar með 3.,4. og 5. flokki Breiðabliks árið 1974 til smá samkvæmis til að fagna því að fjörtíu ár eru síðan þessi merki atburður var. Þar að auki fengu nokkrir eldri Blikar viðurkenningu fyrir að hafa spilað 100 opinbera leiki eða meira fyrir Breiðablik.  

Logi Kristjánsson, fyrrum formaður Breiðabliks, hélt áhugavert erindi um mikilvægi þessara titla fyrir þróun knattspyrnudeildarinnar. Ólafur Börkur Þorvaldsson, leikmaður í 4. flokki árið 1974, rifjaði upp skemmtileg atvik frá sumrinu 1974, Gissur Guðmundsson, þáverandi þjálfari 4. flokks hélt smá tölu og afhenti Borghildi Sigurðardóttur formanni deildarinnar gamla markmannstreyju að gjöf. Gunnar Steinn Pálsson, fyrrum blaðamaður, sagði frá skrautlegum karakterum Blikanna frá fyrri tíð og það var síðan Guðmundur Þórðarson, fyrsti landsliðsmaður Breiðabliks og þjálfari 5. flokks árið 1974, sem rakti feril margra piltanna og sagðist vera mjög stoltur af því að svo margir þessara pilta hefur náð langt í lífinu, bæði innan og utan knattspyrnuvallarins.

Bræðurnir Benedikt og Jón Orri Guðmundssynir höfðu tekið saman myndir frá þessu mikilvæga ári í sögu Breiðabliks. Góður rómur var gerður að öllum þessum uppákomum og ekki er laust við að sést hafi tár á hvarmi hjá nokkrum drengjanna.

Mynd:
 
Efsta röð f.v.: Höskuldur Ólafsson 3. Fl.1974, Guðmundur Þórðarson þjálfari 5. Fl.1974, Valgarður Guðjónsson 3. Fl.1974, Aðalsteinn Jónsson 5. Fl.1974, Óskar Friðbjörnsson 5. Fl.1974, Björn Jónsson 4.f l.1974
 
Önnur röð að ofan; Sigurður Víðisson 100 leikja maður, Ingvar Teitsson 3. Fl.1974 , Ragnar Rögnvaldsson 5. Fl.1974 , Jón Orri Guðmundsson 3.fl.1974 , Bjarki Pétursson 100 leikja maður, Þórður Davíðsson 5.fl.1974 , Alexander Þórisson 4.fl.1974 , Ólafur Börkur Þorvaldsson 4. Fl. 1974 , Vilmar Pétursson 3. Fl.1974 , Sigurður V. Halldórsson 4.fl.1974
 
Þriðja röð að ofan; Helgi Bentsson 5. Fl.1974 , Ríkharður Örn Jónsson 100 leikja maður, Sævar Pétursson 100 leikja maður, Ingvaldur Gústafsson 5.fl.1974 , ? Bjarkason, Jón Magnússon 5. Fl.1974, Ásgeir Þorvaldsson þjálfari 3.fl.1974 , Konráð Konráðsson 4. Fl.1974 , Páll Ævar Pálsson 4. Fl.1974 , Jón Ingi Ragnarsson 100 leikja maður, Hákon Gunnarsson 3. Fl.1974 , Guðmundur Agnar Ernuson 4.fl.1974  og Guðmundur Ólafur Halldórsson 4. Fl.1974 .
 
Neðsta röð; Þórir Gíslason 4.fl.1974 , Gissur Guðmundsson þjálfari 4.fl.1974 , Andrés Pétursson 4.fl.1974 , Valdimar F.Valdimarsson 3. Fl.1974 , Theodór Guðfinsson 3. Fl.1974 , Júlíus Hafsteinsson 5.fl.1974 , Atli Knútsson 100 leikja maður og Sigurjón Rannversson 3. Fl.1974 .

Til baka