Breiðablik - Stjarnan í Garðabæ mánudagskvöld kl. 20:00
28.05.2016Minnum ykkur á leik Stjörnunnar og Breiðabliks á Samsungvellinum Garðabænum á mánudaginn kl.20.00.
Í fjórtán efstu deildar leikjum liðanna frá 2009, þegar Stjörnuliðið kom aftur upp í efstu deild, hafa Blikar sigrað átta sinnum, Stjarnan hefur unnið tvo leiki og jafnteflin eru fjögur. Blikar hafa skorað 29 mörk og Stjarnan 16, samtals 45 mörk eða liðlega 3 mörk að meðaltali per leik.
Í stigum talið skilar þessi árangur Blikum 28 stigum af 42 mögulegu eða 67% stigaárangri, á móti 10 stigum Stjörnunnar eða 24% stigaárangri.
Árangur okkar gegn Stjörnunni á Samsungvellinum í Garðabæ frá árinu 2009 er 2 sigrar, 2 töp og 3 jafntefli.
Leikir liðanna í A-deild 2009-2015.
Allir opinberir keppnisleikir liðanna frá upphafi.
Ná Blikar að fylgja eftir sterkum sigri á KR í síðasta deildarleik. Leikurinn í 17. umf í fyrra vannst með klassísku Jonathan Glenn marki. Það verður spennadi af fylgjast með Blika-spilinu á rennisléttu gervigrasinu á Samsung vellinum í Garðabæ á mánudaginn.
Hvetjum alla Blika til þess að taka kvöldið frá, mæta á völlinn og styðja strákana til sigurs!
Áfram Blikar, alltaf, alls staðar!
-POA