/2020/TV_BB-IBV-Fotboltanet-2020-jpg.JPG)
Breiðablik - ÍBV í Fótbolta.net mótinu 2020
16.01.2020Breiðabliksliðið mætir liði ÍBV í 2. umferð Fótbolta.net mótsins 2020 á Kópavogsvelli á laugardaginn kl.12.00.
Þetta er annar leikur liðanna í mótnu á þessu ári: Eyjamenn gerðu 0:0 jafntefli við FH í Skessunni um síðustu helgi. Á sama tíma mættu Blikar HK í Kórnum og skelltu þeim 1:6 í fjörugum leik. Nánar um leikinn>
Leikur Breiðabliks og ÍBV á laugardaginn er 97. mótsleikur liðanna frá upphafi og 6. leikur liðanna í Fótbolta.net mótinu.
Blikar unnu ÍBV í mótinu í fyrra og árin 2013 og 2014, en tapa 2016 og 2017.
- 2019: Arnór Gauti fór illa með gömlu liðsfélagana úr Eyjum
- 2017: ÍBV hóf titilvörnina
- 2016: Hangiketið sat í mönnum
- 2014: Blikar enduðu í fimmta sæti
- 2013: Árni Vill sá um ÍBV
Um Fótbolta.net mótið: ÍBV spilaði til úrslita í mótinu árið 2011 við Keflavík en töpuðu. ÍBV vann mótið árið 2016 í úrslitaleik við KR. Breiðablik hefur fjórum sinnum unnið Fótbolta.net mótið. Fyrst 2012 í úrslitaleik gegn Stjörnunni og svo aftur árið eftir í úrslitaleik gegn Keflavík. Arið 2015 vinna Blikar mótið eftir úrslitaleik við Stjörnuna. Og Blikar unnu mótið í fyrra eftir 2:0 sigur í úrslitaleik við Stjörnuna.
Sigurvegarar Fótbolta.net mótsins frá upphafi:
- 2011: Keflavík
- 2012: Breiðablik
- 2013: Breiðablik
- 2014: Stjarnan
- 2015: Breiðablik
- 2016: ÍBV
- 2017: FH
- 2018: Stjarnan
- 2019: Breiðablik
Leikur Breiðabliks og ÍBV fer fram á Kópavogsvelli á laugardag klukkan 12:00!
Veðurspáin fyrir Kópavogsvöll er góð.
Það er vert að geta þess að stórt drengjamót í knattspyrnu ,,Heimilistækjamótið” er í Fífunni um helgina. Það gæti því orðið erfitt að fá bílastæði nálægt vellinum. Bendum á stæðin við Sporthúsið og einnig er yfirleitt nóg af stæðum við Fífuhvamminn og á bílastæðinu suð-vestan við Fífuna.
Áfram Blikar, alltaf, alls staðar!
Leikurinn verður í beinni á YouTube rás BlikarTV fyrir þá sem ekki eiga heimangengt.
