Karl til Víkinga
26.11.2021/2021/20190131_MFKA_104_KFG-Edit_600_675.jpg)
Breiðablik og Víkingur hafa náð samkomulagi um varanleg félagaskipti Karls Friðleifs Gunnarssonar í Fossvoginn. Karl, sem spilaði sem lánsmaður hjá Víkingum síðastaliðið sumar, átti afbragðssumar með Fossvogsliðinu.
Hann spilaði nánast alla leiki Fossvogsliðsins sem varð eins og flestir muna bæði Íslands- og bikarmeistari karla árið 2021.
Karl er fljótur bakvörður sem á sæti í U-21 árs landsliði Íslands.
Karl spilaði 17 leiki með Blikaliðinu og á þar að auki að baki 28 leiki með yngri landsliðum Íslands.
Blikar.is óska Karli Friðleifi velfarnaðar í Víkinnni og þakka honum fyrir skemmtilegar minningar í Blikabúningnum.