Fyrirliðinn skrifar undir nýjan samning
13.04.2022
Höskuldur Gunnlaugsson, fyrirliði meistaraflokks Breiðabliks, hefur skrifað undir nýjan þriggja ára samning við Knattspyrnudeild Breiðabliks.
Höskuldur kom heim til Breiðabliks árið 2019 eftir að hafa leikið sem atvinnumaður með Halmstad í Svíþjóð og hefur síðan þá verið lykilmaður og leiðtogi í sterku Blikaliði. Höskuldur er 27 ára og hefur leikið 213 leiki fyrir Breiðablik og skorað í þeim 46 mörk.
Á síðastliðnu tímabili var Höskuldur frábær í stöðu hægri bakvarðar og var í kjölfarið valinn í íslenska landsliðið á nýjan leik. Höskuldur hefur leikið þrjá af fjórum landsleikjum Íslands á þessu ári og á alls fjóra landsleiki fyrir Íslands hönd.
Þetta eru frábær tíðindi fyrir Blika og það verður gaman að fylgjast með þessum öfluga leikmanni á vellinum í sumar.
Höskuldur Gunnlaugsson fyrirliði meistaraflokks karla.