Damir framlengir við Blika!

02.11.2015

Miðvörðurinn snjalli, Damir Muminovic, hefur framlengt samning sinn við knattspyrnudeild Breiðabliks til ársins 2018. Damir, sem er 25 ára gamall, spilaði 21 leik með Blikaliðinu í sumar og skoraði 1 mark. Hann kom til Blika árið 2014 og hefur farið vaxandi með hverjum leik. Damir var lykilmaður í sterkri vörn Blikaliðsins í sumar og var einn öflugasti miðvörður í Pepsí-deildinni.

Damir, sem er fæddur í Serbíu en flutti til Íslands 11 ára gamall. Hann er alinn upp hjá HK en hefur einnig spilað með Leikni Breiðholti og Víkingi Ólafsvík.

-AP

Til baka