• FRÉTTIR

Breiðablik OPEN 2013 - Veðurspá

BREIÐABLIK OPEN 2013 - VEÐURSPÁ

Veðurglöggur rýnir rekur görn, ranglar út í sortann þylur hátt...o.s.frv." með sínu lagi.

Veðurnefndin hefur ákveðið í samráði við náttúruöflin að veðrið á Flúðum frá kl.13: 30 - 19:00 verði sem hér segir;

,,Hæg vestlæg eða suðvestlæg átt með bjartviðri og örlitlum skúrum á víð og dreif á brautum eitt til átján, en vætu að smekk hvers og eins á þeirri nítjándu. Hiti vel yfir frostmarki eða á bilinu 10 - 12 gráður í forsælu.

Veðurnefndin.

8unda opna golfmót knattspyrnudeildar Breiðabliks verður haldið föstudaginn 28. júní n.k. og hefst kl.13:30. Mótið fer að venju fram á Selsvelli, við Flúðir í Hrunamannahrepp. Samtímaræsing (mæting í skála kl.13:00). Leiknar verða 18 holur (punktakeppni og höggleikur, karla og kvenna).

Höggleikur - verðlaun fyrir 3 efstu í karla- og kvennaflokki.
Punktakeppni - verðlaun fyrir 3 efstu í karla- og kvennaflokki.
Nándarverðlaun - á par 3 holum.
Verðlaun - fyrir lengsta teighögg.
Teiggjöf - að hætti Breiðablik OPEN.

Hámarksforgjöf í karlaflokki er 24 og hámarksforgjöf í kvennaflokki er 28. Verðlaunaafhending fer fram strax að móti loknu, yfir málsverði í golfskálanum að Efra- Seli.

Þáttökugjald er;

• 7.300 - með  málsverði.
• 3.200 - án málsverðar.

Tekið verður á móti skráningum á netfangið olibjoss(hja)gmail.com frá  3. - 27.júní.

Rita skal ,,Golfmót Breiðabliks 2013” í ,,efni/subject" og í póstinum þarf að koma fram nafn þáttakanda ásamt símanúmeri og forgjöf. Ennfremur skal taka fram ef óskað er eftir skráningum saman í holl.

Skráningarlisti verður birtur og uppfærður jafnóðum á Blikar.is.

Mótið er öllum opið.

Við lofum frábærum degi í frábæru veðri og enn betri félagsskap.

Áfram Breiðablik !

Mótsstjórn.

Þátttökulisti m.v. 27.jún. Ert þú búinn að skrá þig? 

Til baka