Rakel Hönnudóttir gengin í Breiðablik

18.11.2011

Í dag skrifaði Landsliðskonan Rakel Hönnudóttir undir tveggja ára samning við Breiðablik. 

Rakel byrjaði að spila í meistaraflokki 15 ára gömul eða árið 2004.  Hún hefur alla tíð leikið með Þór/KA (fyrstu árin með Þór/KA/KS) . Rakel hefur leikið 135 leiki í meistaraflokki  og skorað í þeim 124 mörk sem  verður að teljast frábær árangur

Hún hefur spilað 40 landsleiki  og þar af 33 með A landsliðinu.  í þessum leikjum hefur hún skorað 4 mörk þar af 2 fyrir A landsliðið.

Þrátt fyrir að Rakel sé ung að árum kemur hún með mikla reynslu og styrk inn í ungt og skemmtilegt lið Breiðabliks sem annað árið í röð mun eingöngu tefla fram Íslenskum leikmönnum.  Við bjóðum Rakel hjartanlega velkomna í Kópavoginn.

<- Til baka