• FRÉTTIR

Pepsi MAX 2020: Breiðablik – Grótta

Pepsi MAX deild karla 2020. Breiðablik – Grótta á Kópavogsvelli sunnudagskvöld kl. 20:15.

Loksins hefja Blikar keppni í Pepsi MAX deild karla 2020 þegar við fáum nýliða Gróttu í heimsókn á Kópavogsvöll í kvöld, sunnudagskvöld 14. júní kl.20.15!

Stigatafla Pepsi MAX 2020 í uppafi móts.

Leikurinn í kvöld er fyrsti leikur Gróttumanna i efstu deild en 647. efstu deildar leikur Blikamanna frá upphafi.

Innbyrðis mótsleikir Breðabliks og Gróttu eru alls 6 frá fyrsta mótsleik liðanna árið 1990.

Sem sagt Blikasigur í öllum leikjunum sem eru: 2 í Bikarkeppni KSÍ, 3 í Deildarbikarnum (Lengjubikarnum) og 1 sigur í Litla Bikarnum.

Mjög mikið hefur verið rætt og ritað um þá tilviljun að Breiðablik og Grótta mætast í fyrsta leik Pepsi MAX 2020, enda Óskar Hrafn Þorvaldsson, núverandi þjálfari Blika, og Ágúst Gylfason, fyrrverandi þjálfari Blika en núverandi þjálfari Gróttu, að mæta í kvöld sínum fyrrum félögum á Kópavogsvelli í leik  sem þegar er kominn í sögubækurnar af mörgum ástæðum.

Árangurstölfræði þjálfara liðanna síðustu 2 ár er jöfn. Báðir þjálfarar eru með 41 sigra, eða 60% - Óskar í 68 leikjum með Gróttu en Ágúst í 72 leikjum með Blika. Blikamenn eru með 82 mörk í plús á móti 89 mörkum Gróttumanna.   

Miðasla á leikin í kvöld er á tix.is. Svona lítur hólfaskiptingin út og takið eftir hvar gengið er inn á völlinn.

Leikurinn er sýndur í beinni á Stöð 2 Sport fyrir þá sem ekki komast á völlinn.

Og svo þetta. Eruð þið búin að gerast áskrifendur á blikarTV á YouTube? BlikarTV verður í beinni útsendingu fyrir leik, hálfleik og eftir leik. Gestur gestur BlikarTV fyrir leikinn í kvöld er Arnar Grétarsson. Við ætlum að spá í spilinn með Arnari fyrir leik, í hálfleik og eftir leik. Arnar Björnsson verður með viðtöl fyrir- og eftir leik.

Áfram Blikar, alltaf, alls staðar!

#EittFyrirKlúbbinn

Leikmannahópur Breiðabliks 2020

Til baka