Já það má með sanni segja að meistaraflokkur kvenna hafi verið óheppninn á fá ekki 3 stig í leik sínum við ÍBV á þriðjudaginn. Leikurinn var frábærlega leikinn af okkar konum og gaman að sjá ungar knattspyrnukonur stíga sín fyrstu skref í úrvalsdeild.
Í upphitun fyrir leikinn varð liðið þó fyrir því óláni að Anna Birna meiddist og þurfti Óli þjálfari því að gera breytingu á liðinu áður en leikurinn var flautaður á- í hennar stað kom Þórdís Hrönn inn í liðið. Strax á upphafsmínútum var ljóst að Blika stelpur ætluðu sér mikið og á 3 mínútu átti Hlín hörku skot sem Birna Berg varði vel.
Í fyrri hálfleik voru bæði lið að spila flottan fótbolta þar sem boltinn rúllar vel á milli leikmanna en Blikar eru þó með undirtökin þar sem Fanndís á nokkur færi sem ekki næst að koma inn. Ella Dís Thorarensen 16 ára framtíðar knattspyrnukona okkar Blika átti líka stórleik sem vinstri bakvörður í sínum fyrsta meistaraflokksleik fyrir félagið. Hún algjörlega hafði ÍBV stúlkur í vasanum. Það var frábært að sjá hversu flott þessi unga stúlka var og verður svo sannarlega gaman að fylgjast með henni í framtíðinni. Á 39. mín kemur svo fyrsta mark leiksins. Það voru ÍBV stúlkur sem skoruðu í eigið mark en Ásta Eir var kominn inn fyrir og hefði klárað þetta fyrir okkur ef þurft hefði.
ÍBV hóf síðari hálfleik með hörku og skoraði eftir mistök í vörn Blika á 50 mín. Eftir markið gerði ÍBV nokkrar tilraunir við mark Blika en maður leiksins Birna Kristjánsdóttir markmaður Blika sá við þeim öllum með snilldar töktum.
Blikar gerðu skiptingu á 64.mín og inn kemur Petra Rut Ingvadóttir 18. ára einnig í sínum fyrsta leik fyrir meistaraflokk og strax á 65. mín er hún búin að skora mark í sinni fyrstu snertingu í leiknum. Sannarlega frábær innkoma hjá stúlkunni. Blikar áttu í kjölfarið nokkur hörku færi við mark ÍBV. Þórdís Hrönn átti meða annar skot í samskeytin og stöng en inn vildi bolti ekki.
Á 84. mín. er dæmd óskiljanlega vítaspyrnu þar sem dómarinn heldur því fram að boltinn hafi farið í hönd eins Blikans en ekki ein einasta ÍBV stúlka bað um víti og eins og sjá má í sjónvarpi er þetta óskiljanlegur dómur. Birna markmaður var ansi nálægt því að verja en allt kom fyrir ekki og ÍBV búin að jafna leikinn. Staðan því orðin 2-2 sem urðu úrslit leiksins.
Leikurinn var vel leikinn af okkar hálfu og meira að segja stuðningsmenn ÍBV voru sammála því að sanngjarnast hefði verið að Blikar hefðu fengið öll 3 stigin. Stuðnings menn Blika létu sig heldur ekki vanta og voru um 20 manns sem fylgdu liðinu til eyja- frábært það og takk fyrir stuðninginn!
Næsti leikur er á Kópavogsvelli þann 9 ágúst gegn Grindavík sem vann góðan sigur á Aftureldingu í síðustu umferð þannig að það verður væntanlega hörku leikur enda suðurnesjastúlkur að berjast fyrir lífi sínu í deildinni. Við hvetjum alla Blika til að mæta og hvetja stelpurnar.