/2020/FH-BB-Fotboltanet-2020.JPG)
FH – Breiðablik í Fótbolta.net mótinu 2020
25.01.2020Breiðabliksliðið mætir liði FH í 3. umferð Fótbolta.net mótsins 2020 í Skessunni við Kaplakrika á laugardaginn kl.10.45.
Þetta er þriðji leikur beggja liða í Fótbolta.net mótnu í ár: FH-ingar gerðu 0:0 jafntefli við ÍBV og töpuðu 2:1 gegn HK-ingum. Blikaliðið lagði HK 1:6 í fyrsta leik og vann 2:0 sigur á ÍBV á Kópavogsvelli um síðustu helgi.
Blikum nægir jafntefli í leiknum til að komast í úrslit á mótinu. En það er ljóst að okkar piltar mæta ekki í Hafnarfjörðinn fyrir minna en 3 stig!
Leikur Breiðabliks og ÍBV á laugardaginn er 111. mótsleikur liðanna frá upphafi og 7. innbyrðis leikur liðanna í Fótbolta.net mótinu.
Tölfræðin fellur ekki með Blikum – aðeins 1 sigur (2015) í sex leikjum >nánar.
Um Fótbolta.net mótið:Breiðablik hefur fjórum sinnum unnið Fótbolta.net mótið. Fyrst 2012 í úrslitaleik gegn Stjörnunni og svo aftur árið eftir í úrslitaleik gegn Keflavík. Árið 2015 vinna Blikar mótið eftir úrslitaleik við Stjörnuna. Og Blikar unnu mótið í fyrra eftir 2:0 sigur í úrslitaleik við Stjörnuna.
Sigurvegarar Fótbolta.net mótsins frá upphafi:
- 2011: Keflavík
- 2012: Breiðablik
- 2013: Breiðablik
- 2014: Stjarnan
- 2015: Breiðablik
- 2016: ÍBV
- 2017: FH
- 2018: Stjarnan
- 2019: Breiðablik
Leikur FH og Breiðabliks fer fram í Skessunni við Kaplakrika á laugardag klukkan 10:45!
Áfram Blikar, alltaf, alls staðar!
Ísland í dag - ÍA og Grótta mætast í úrsiltaleik https://t.co/pH8e5reAnq
— Fótbolti.net (@Fotboltinet) January 25, 2020