Blikakonur með neyðarsöfnun fyrir konur og stúlkur í Úkraínu
04.03.2022
Meistaraflokkur kvenna í Knattspyrnudeild Breiðabliks hefur neyðarsöfnun fyrir konur og stúlkur í Úkraínu.
Í riðlakeppni meistaradeildar Evrópu þann 9.nóvember 2021, mætti Breiðablik Úkraínska liðinu Zhytlobud-1 frá borginni Kharkiv sem nú er ráðist á af rússneska hernum.
Breiðablik fordæmir stríð og árásir á saklausa borgara og tekur höndum saman með UN women á Íslandi til að styrkja Úkraínskar konur og stúlkur um leið og leikmenn Breiðabliks senda kveðjur til Kharkiv og Úkraínu með von um frið.
Breiðablik vill hvetja öll til þess að leggja þessu málefni lið og þú getur tekið þátt á marga vegu:
- Senda SMS-ið KONUR í númerið 1900 (og styrkja þannig um 1.900 kr)
- AUR / KASS í númerið 839-0700 eða unwomenisland
- Frjáls framlög með millifærslu á bankareikn. 0537 - 26 - 55505 og kt: 551090-2489.
Nánar hér: Neyðarsöfnun Breiðabliks til styrktar Úkraínu
Við minnum sömuleiðis á leikinn hjá stelpunum á morgun, laugardag, á móti liði Selfoss í Lengjubikarnum. Leikurinn verður á Kópavogsvelli og hefst kl.13:00.
Engin miðasala verður á leikinn en stelpurnar vilja hvetja áhorfendur til að leggja málefni UN Women lið.
Áfram Blikar, alltaf, alls staðar!
Umfjallanir fréttamiðla:
Fréttablaðið: Breiðablik hefur neyðarsöfnun fyrir konur og börn í Úkraínu
Vísir: Breiðablik skipuleggur neyðarsöfnun fyrir Úkraínu - Vísir
Fótbolti.net: Kvennalið Breiðabliks skipuleggur neyðarsöfnun fyrir Úkraínu
RÚV: Kvennalið Breiðabliks leggur sitt af mörkum til Úkraínu | RÚV
