• FRÉTTIR

Oliver Sigurjónsson skrifar undir nýjan samning

Þau ánægjulegu tíðindi voru að berast að miðjumaðurinn öflugi Oliver Sigurjónsson hefur skrifað undir nýjan samning við Breiðablik sem gildir út keppnistímabilið 2024.

Þrátt fyrir að hafa tvívegis farið erlendis í atvinnumennsku, með AGF í Danmörku og svo Bodö/Glimt í Noregi, hefur Oliver þegar leikið 162 mótsleiki fyrir Breiðablik og skorað í þeim 9 mörk.

Þá á hann að að baki tvo A-landsleiki fyrir Íslands hönd og hvorki fleiri né færri en 50 leiki með yngri landsliðum Íslands.

Oliver hefur leikið afar vel í upphafi móts í sterku Blikaliði.

Það er mikið fagnaðarefni að við fáum að njóta krafta hans áfram næstu árin.

Til baka