Höskuldur okkar í landsliðið
19.09.2022
Mynd: HVH
Knattspyrnumaðurinn fjölhæfi, og fyrirliðinn okkar, Höskuldur Gunnlaugsson hefur verið valinn í íslenska landsliðið sem mætir Venesúela í vináttuleik í Austurríki á fimmtudaginn og Albaníu í Þjóðadeild UEFA þriðjudaginn 27. september í Tirana í Albaníu.
Þetta var tilkynnt þegar ljóst var að Blikinn góðkunni Alfons Sampsted gæti ekki verið með í þessu leikjum vegna meiðsla.
Höskuldur er eini leikmaður landsliðsins sem spilar á Íslandi og er þetta mikil viðurkenning fyrir Höskuld sem hefur átt frábært tímabil með Blikaliðinu í sumar.
Höskuldur sem er 28 ára gamall á að baki 5 landsleiki með A-landsliðinu og 7 með U-21 árs landsliðinu.
Hann er tólfti leikjahæsti leikmaður Breiðabliks frá uppfahi með 245 leiki og 53 mörk.
Það verður gaman að fylgjast með Höskuldi og landsliðinu í þessum leikjum. Ísland er sem stendur í öðru sæti í sínum riðli í Þjóðadeildinni og á þokkalega möguleika að komast aftur upp í A-deild.
Áfram Ísland og Höskuldur!
-AP
Höskuldur inn fyrir Alfons