Breiðablik dróst gegn norska liðinu Rosenborg í forkeppni Evrópudeildarinnar í knattspyrnu. Okkar drengir fá útileik og verður leikurinn í Þrándheimi fimmtudaginn 27. ágúst.

Liðin mættust árið 2011 í frægum leikjum. Við vorum eitthvað vankaðir í fyrri leiknum og töpuðum honum 5:0.

T
Rosenborg
5 0
Breiðablik
Evrópukeppni fyrri leikur Lerkendal Stadion 13.07.2011
13
1

En svo sýndum við okkar bestu hliðar í seinni leiknum og unnum 2:0 á Kópavogsvelli. Kristinn Steindórsson skoraði annað markið í þeim leik. Það var fyrsti sigur Breiðablik í Evrópukeppni en ekki sá síðasti.

S
Breiðablik
2 0
Rosenborg
Evrópukeppni seinni leikur Kópavogsvöllur 20.07.2011
19
8

Norðmennirnir mættu Valsmönnum fyrir tveimur árum og voru Hlíðarendapiltar nálægt því að slá Þrándarana úr keppni þá. Aðeins vafasamur vítaspyrnudómur kom í veg fyrir það að Valur kæmist áfram. Þrátt fyrir Rosenborg sé sigurstranglegra liðið þá getur ýmislegt gert í knattspyrnu.

Þrátt fyrir að Rosenborg sé sigurstranglegra liðið þá getur ýmislegt gert í knattspyrnu.  Á ýmsum miðlum í Noregi má lesa að heimamenn eru kampakátir með okkur sem mótherja og telja að sæti í næstu umferð sé næsta tryggt. Það er því okkar Blika að sýna og sanna að við getum komist í næstu umferð!

Áfram Blikar, alltaf, alls staðar

-AP

Heisi Heison hjá BlikarTV hitti Óskar Hrafn á Kópavogsvelli í dag.