Fjolla Shala framlengir
23.10.2018Fjolla Shala hefur skrifað undir nýjan samning við Breiðablik. Samningurinn gildir til þriggja ára.
Fjolla kom til félagsins haustið 2011 og hefur því verið hjá okkur í 7 ár. Á þeim tíma hefur hún spilað 147 leiki fyrir félagið þrátt fyrir að hafa ekkert náð að spila árið 2017 vegna meiðsla. Fjolla er gríðarlega öflugur leikmaður og hefur leikið lykilhlutverk í þeim fimm titlum sem félagið hefur unnið frá því að hún gekk til liðs við Breiðablik.
Fjolla spilaði með nýstofnuðu landsliði Kosovo á árinu. En Fjolla hefur spilað 31 leiki með yngri landsliðum Íslands, 19 U19 landsleiki og 12 U17 leiki. Að auki á hún 51 leik með Fylki í meistaraflokki og 6 leiki fyrir Leikni Reykjavík.
Við óskum Fjollu og Blikum til hamingu með þessi tíðindi