Hildur Antonsdóttir með nýjan þriggja ára samning
11.10.2016Miðjumaðurinn öflugi Hildur Antonsdóttir hefur skrifað undir nýjan þriggja ára samning við Knattspyrnudeild Breiðabliks.
Hildur sem er 21 árs gömul kom til Breiðabliks í lok júlí frá Val. Á þessum stutta tíma lék Hildur alls 12 leiki í deild, bikar og Meistaradeild Evrópu með Blikum og skoraði eitt mark. Hún varð bikarmeistari með Blikum eftir 3-1 sigur gegn ÍBV á Laugardalsvelli. Hildur verður svo í eldlínunni á morgun þegar Blikastelpur leika gegn Rosengård í seinni viðureign 32-liða úrslita Meistaradeildarinnar.
Það er okkur Blikum mikið ánægjuefni að tilkynna um þennan samning enda Hildur mikilvægur hlekkur í framtíðaráformum liðsins.
Knattspyrnudeild Breiðabliks