Blikar á ferð og flugi!
24.03.2016Það er mikið um að vera hjá Blikum á knattspyrnuvöllum hér á Íslandi og víðar í Evrópu í dag, skírdag.
Meistarflokkur karla á spilar við við Selfoss í Lengjubikarnum á Selfossi klukkan 11.00. Blikar þurfa líklega sigur til að eiga möguleika á að komast upp úr riðlinum. Okkar maður Vignir Jóhannesson ver mark Selfyssinga í dag, og sóknarmaðurinn ungi og efnilegi Arnór Gauti Ragnarsson, sem við lánuðum til 1. deildarliðsins, er í byrjunarliðinu. Vonandi standa þeir sig vel - en ekki um of. Leikurinn í dag er 5. viðureign liðanna í Deildarbikarnum frá upphafi. Blikar hafa unnið fjórum sinnum en Selfoss einu sinni. Blikamörkin eru 14 gegn 5 mörkum frá Selfyssingum. Nánari upplýsingar um leiki í liðanna í Deiladarbikarnum (Lengjubikarnum) hér.
Meistaraflokkur kvenna spilar við Þór/KA í Lengjubikarnum í Boganum á Akureyri klukkan 15:00. Leikurinn í dag er níunda viðureugn liðanna í Deildarbikarnum (Lengjubikarnum). Stöðuna í riðlinum má sjá hér.
Tveir stórir landsleikir á dagsskrá í dag og þar eru nokkrir okkar manna á ferð.
Blikarnir Árni Vilhjálmsson, Adam Örn Arnarsson og Höskuldur Gunnlaugsson eru nú staddir með U21 landsliðinu í Skopje í Makedóníu sem spilar við Makedóníu klukkan 13:00. Blikinn Oliver Sigurjónsson, sem verið hefur fyrirliði U21 liðsins, er meiddur og leikur því ekki með liðinu í dag. Nánar um leikinn hér.
Blikarnir Gunnleifur Gunnleifsson, Sverrir Ingi Ingason, Jóhann Berg Guðmundssson og Alfreð Finnbogason eru nú staddir með A karla í Danmörku sem spilar æfingaleik við Dani á MCH vellinum í Herning klukkan 19:00. Nánar um leikinn hér.
Áfram Blikar, alltaf, alls staðar!