-
Kale hefur sett blek á blað.
Ingvar Kale semur við Breiðablik
01.10.2010
Ágætu Blikar, þau ánægjulegu tíðindi voru að berast að Ingvar Kale markvörður var að skrifa undir nýjan 3 ára samning við knattspyrnudeild Breiðabliks. Þetta eru frábærar fréttir enda hefur Ingvar Kale verið einn besti leikmaður Blikanna og átti stóran þátt í Íslandsmeistaratitlinum sem kom í hús síðastliðinn laugardag. Ingvar, sem er 26 ára gamall, vann sér sæti í íslenska landsliðshópnum í sumar enda hefur hann verið einn jafnbesti markvörður landsins í sumar.
Þetta er enn ein ástæðan til þess að mæta á uppskeruhátíð knattspyrnudeildar sem fram fer á morgun laugardag í Smáranum.
Sjá: http://www.blikar.is/frettir/uppskeruhatid_2_oktober
Sjáumst þar!
Lokafrestur til að ganga frá miðakaupum í mat er fyrir hádegi í dag.
Upplýsingar í Smáranum s: 510-6400
Blikaklúbburinn