- Eggert Baldvinsson Silfurbliki, Teitur Jónasson Gullbliki og Marínó Önundarson Silfurbliki
- Hannes Strange tekur við Félagsmálablikarnum úr höndum Maríu Fanndal Birkisdóttur.
- Núverandi og fyrrverandi formaður Körfuknattleiksdeildar, Sigríður H. Kristjánsdóttir og Eggert Baldvinsson, taka við Deilarbikarnum.
- Þorsteinn Halldórsson, þjálfari Meistaraflokks kvenna í knattspyrnu, hlaut Þjálfarabikarinn
- Meistaraflokkur kvenna í knattspyrnu hlaut Afreksbikarinn
- Jón Finnbogason, formaður íþróttaráðs Kópavogs, í pontu
- Nýkjörinn formaður, Sveinn Gíslason, þakkaði fráfarandi formanni fyrir vel unnin störf.
Aðalfundur Breiðabliks 2016
22.04.2016Aðalfundur Breiðabliks 2016 fór fram í Smáranum þann 19. apríl síðastliðinn. Hannes Strange lét af störfum sem formaður og var Sveinn Gíslason kjörinn í hans stað. Eru Hannesi þökkuð störf hans í þágu félagsins undanfarin ár.
Eftirtaldir aðilar voru kjörnir í aðalstjórn Breiðabliks starfsárið 2016-2017.
Formaður: Sveinn Gíslason
Varaformaður: Björg Jónsdóttir
Gjaldkeri: Guðmundur Sigurbergsson
Ritari: Halla Garðarsdóttir
Meðstjórnendur: Steini Þorvaldsson, Stefán Ragnar Jónsson, Björgvin Gestsson
Einnig var kosið í eftirtöld embætti á fundinum:
Endurskoðandi: Jón Þ. Hilmarsson
Skoðunarmenn reikninga: Sigurjón Valdimarsson, Jóhann Geir Harðarson
Að venju voru afhentar viðurkenningar fyrir árangur síðastliðins árs og nokkrir Blikar heiðraðir fyrir störf sín í þágu félagsins.
Teitur Jónasson var sæmdur heiðursnafnbótinni Gullbliki. Eggert Baldvinsson og Marinó Önundarson voru útnefndir Silfurblikar.
Deildarbikarinn féll í skaut Körfuknattleiksdeildar.
Hannes Strange hlaut Félagsmálabikarinn.
Þorsteinn Halldórsson, þjálfari meistaraflokks kvenna í knattspyrnu hlaut þjálfarabikarinn
Og Meistaraflokkur kvenna í knattspyrnu hlaut Afreksbikarinn.
Þetta er síðasta árið sem Afreksbikarinn er afhentur en reglugerð var samþykkt á fundinum sem kveður á um að hér eftir verði afhentir 3 afreksbikarar: Afreksbliki –karlar, Afreksbliki – konur og Afrekshópur Breiðabliks.