Undanfarin ár hefur knattspyrnudeild Breiðabliks og blikar.is heiðrað þá Blika sem hafa náð…" /> Undanfarin ár hefur knattspyrnudeild Breiðabliks og blikar.is heiðrað þá Blika sem hafa náð…">

BLIKAR.IS STUÐNINGSMANNAVEFUR

50 Marka Klúbburinn

02.05.2017

Undanfarin ár hefur knattspyrnudeild Breiðabliks og blikar.is heiðrað þá Blika sem hafa náð ákveðnum leikjafjölda fyrir félagið. Fyrir leik Blika og KA á Kópavogsvelli á mánudaginn var hins vegar ákveðið að heiðra þá Blika sem hafa skorað yfir 50 mörk í öllum opinberum keppnum fyrir Breiðablik á ferli sínum. Það var að sjálfsögðu kátt á hjalla þegar þessi snjöllu leikmenn mættu í glerstúkuna og rifjuðu upp nokkur af þessum glæsimörkum. Það eru 11 leikmenn sem hafa náð þessum árangri og 7 af þeim áttu heimangengt á mánudaginn. 

Þeir sem hafa náð þessum árangri eru:

(smella á nafn til að fá nánari upplýsingar um leikmann)

Heisi Heison var á staðnum og tók viðtöl við nokkra eðal Blika. Sjón er sögu ríkari í boði BlikarTV

Auðvitað er erfitt að bera markaskorun saman. Sumir leikmannanna voru á fullu þegar mun færri leikir voru spilaðir, bræðurnir Arnar og Sigurður Grétarssyni spiluðu lungan af sínum ferli erlendis og skoruðu mikið af mörkum fyrir sín lið þar, Jón Þórir (Bonni) væri markahæstur ef eingöngu deildamörk þ.e. í efstu og næst-efstu deild væru talin. Árni Vilhjálmsson er enn að spila þannig að hann gæti bætt við mörkum í framtíðinni.  

Svo er gaman að benda á þá skemmtilegu staðreynd að Grétar Kristjánsson og synir hans Arnar og Sigurður skoruðu samtals 181 mark fyrir Blikaliðið á ferli sínum. 

-AP

Til baka